ലോകമെമ്പാടുമുള്ള ദശലക്ഷക്കണക്കിന് ആളുകളെ ബാധിക്കുന്ന ഒരു ആരോഗ്യപ്രശ്നമാണ് വൃക്കയിലെ കല്ലുകൾ. മൂത്രത്തിലെ ധാതുക്കളും ലവണങ്ങളും ക്രിസ്റ്റലൈസ് രൂപത്തിലാകുന്നതിനെയാണ് കിഡ്നി സ്റ്റോൺ അഥവാ മൂത്രത്തിലെ കല്ല് എന്ന് പറയുന്നത്. ഇവ മൂത്രനാളിയിൽ തടസ്സമുണ്ടാക്കുന്നു. ഈ തടസ്സം കഠിനമായ വേദനയ്ക്കും അസ്വാസ്ഥ്യത്തിനും കാരണമാകും. കൃത്യമായ ചികിത്സ ലഭ്യമാക്കിയില്ലെങ്കിൽ, അണുബാധയ്ക്കും ഇത് ഇടയാക്കും. കഠിനമായ കേസുകളിൽ വൈദ്യചികിത്സ ആവശ്യമാണെങ്കിലും, വേദന ലഘൂകരിക്കാൻ വിവിധ വീട്ടുവൈദ്യങ്ങൾ ഉണ്ട്.
വൃക്കയിലെ കല്ലുകൾ എന്താണ്?
മൂത്രത്തിൽ ചില പദാർത്ഥങ്ങൾ കൂടുതലായാൽ കിഡ്‌നിയിൽ രൂപം കൊള്ളുന്ന കട്ടിയുള്ള പിണ്ഡങ്ങളാണ് കിഡ്നി സ്റ്റോൺ. ഈ പദാർത്ഥങ്ങളിൽ കാൽസ്യം, ഓക്സലേറ്റ്, യൂറിക് ആസിഡ് എന്നിവയും മറ്റുള്ളവയും ഉൾപ്പെടാം. ഈ പദാർത്ഥങ്ങൾ മൂത്രത്തിൽ വളരെയധികം കേന്ദ്രീകരിക്കപ്പെടുമ്പോൾ, അവ പരലുകളായി രൂപപ്പെടും, അവ ഒരുമിച്ച് ചേർന്ന് ഒരു കല്ലിന്റെ രൂപത്തിലേക്ക് മാറുന്നു. ഈ കല്ലുകൾക്ക് വലിപ്പത്തിലും രൂപത്തിലും വ്യത്യാസമുണ്ടാകാം. ഇവ മൂത്രനാളിയിലൂടെ കടന്നുപോകുമ്പോൾ കഠിനമായ വേദനയുണ്ടാകാം.
വൃക്കയിൽ കല്ലുകൾ ഉണ്ടാകുന്നതെങ്ങനെ?
വൃക്കയിലെ കല്ലുകളുടെ വികാസത്തിന് കാരണമാകുന്ന നിരവധി ഘടകങ്ങളുണ്ട്. ഏറ്റവും സാധാരണമായ ചില കാരണങ്ങൾ ഏതൊക്കെയാണെന്ന് നോക്കാം.
നിർജ്ജലീകരണം: ശരീരത്തിന് ആവശ്യത്തിന് വെള്ളം ലഭിക്കാതെ വരുമ്പോൾ മൂത്രം കൂടുതൽ കേന്ദ്രീകരിക്കുകയും ധാതുക്കളും ലവണങ്ങളും പരലുകളായി രൂപപ്പെടുന്നത് എളുപ്പമാക്കുകയും ചെയ്യുന്നു.
ഭക്ഷണക്രമം: ഓക്സലേറ്റ്, സോഡിയം, അനിമൽ പ്രോട്ടീൻ എന്നിവ അടങ്ങിയ ഭക്ഷണങ്ങൾ കഴിക്കുന്നത് വൃക്കയിലെ കല്ലുകൾ ഉണ്ടാകാനുള്ള സാധ്യത വർധിപ്പിക്കും.
വിവിധ രോഗാവസ്ഥകൾ: സന്ധിവാതം, ഹൈപ്പർപാരാതൈറോയിഡിസം, മലബന്ധം തുടങ്ങിയ ചില രോഗാവസ്ഥകൾ വൃക്കയിലെ കല്ലുകൾ ഉണ്ടാകാനുള്ള സാധ്യത വർധിപ്പിക്കും.
ജനിതകശാസ്ത്രം: വൃക്കയിലെ കല്ലുകൾ പാരമ്പര്യമായി ഉണ്ടാകാനുള്ള സാധ്യതയും കൂടുതലാണ്. ഒരു കുടുംബാംഗത്തിന് വൃക്കയിൽ കല്ലുകൾ ഉണ്ടെങ്കിൽ, അവ പാരമ്പര്യമായി ഉണ്ടാകാനുള്ള സാധ്യത കൂടുതലാണ്.
വൃക്കയിലെ കല്ലുകളുടെ ലക്ഷണങ്ങൾ എന്തൊക്കെയാണ്?
കല്ലിന്റെ വലുപ്പവും സ്ഥാനവും അനുസരിച്ച് വൃക്കയിലെ കല്ലുകളുടെ ലക്ഷണങ്ങൾ വ്യത്യാസപ്പെടാം. ഏറ്റവും സാധാരണമായ ചില ലക്ഷണങ്ങൾ ഇവയാണ്.
ശരീരത്തിന് പിറകിലോ അടിവയറിലോ കഠിനമായ വേദന
മൂത്രമൊഴിക്കുമ്പോൾ അതികഠിനമായ വേദന
ഓക്കാനം, ഛർദ്ദി
മൂത്രത്തിൽ രക്തം കാണപ്പെടുന്നത്
ഇടയ്ക്കിടെ മൂത്രമൊഴിക്കാൻ തോന്നുന്നത്
പനിയും വിറയലും
വൃക്കയിലെ കല്ലുകൾ മൂലമുള്ള വേദന ലഘൂകരിക്കുന്നതിന് വീട്ടുവൈദ്യങ്ങൾ
വൃക്കിയിലെ കല്ലുകൾ ഉണ്ടാകുന്നതിന്റെ കഠിനമായ കേസുകളിൽ വൈദ്യചികിത്സ ആവശ്യമാണെങ്കിലും, വേദന ലഘൂകരിക്കാനും സ്വാഭാവികമായും കല്ല് ഇല്ലാതാക്കാനും സഹായിക്കുന്ന വിവിധ പരിഹാര മാർഗങ്ങൾ ഉണ്ട്. ചില ഫലപ്രദമായ വീട്ടുവൈദ്യങ്ങൾ ഏതൊക്കെയാണെന്ന് നോക്കാം.
ധാരാളം വെള്ളം കുടിക്കുക: ആവശ്യത്തിന് വെള്ളം കുടിക്കുന്നത് ശരീരത്തിലെ വിഷാംശങ്ങൾ പുറന്തള്ളാനും വൃക്കയിൽ കല്ലുകൾ ഉണ്ടാകുന്നത് തടയാനും സഹായിക്കും.
നാരങ്ങ നീര്: നാരങ്ങാനീരിൽ അടങ്ങിയിരിക്കുന്ന സിട്രിക് ആസിഡ് വൃക്കയിലെ കല്ലുകൾ ഇല്ലാതാക്കാനും പുതിയ കല്ലുകൾ രൂപപ്പെടുന്നത് തടയാനും സഹായിക്കും.
ആപ്പിൾ സിഡെർ വിനെഗർ: ആപ്പിൾ സിഡെർ വിനെഗറിലെ അസറ്റിക് ആസിഡ് വൃക്കയിലെ കല്ലുകൾ അലിയിക്കാനും വേദന കുറയ്ക്കാനും സഹായിക്കും.
തുളസി: വൃക്കയിലെ കല്ലുകൾ ഇല്ലാതാക്കുന്നതിനും വേദനയും വീക്കവും കുറയ്ക്കുന്നതിനും തുളസി ഫലപ്രദമാണെന്ന് കണ്ടെത്തിയിട്ടുണ്ട്.
കിഡ്നി ബീൻസ്: കിഡ്നി ബീൻസിൽ മഗ്നീഷ്യം ധാരാളമായി അടങ്ങിയിട്ടുണ്ട്. ഇത് വൃക്കയിൽ കല്ലുകൾ ഉണ്ടാകുന്നത് തടയാൻ സഹായിക്കും.
ഡാൻഡെലിയോൺ റൂട്ട്: ഡാൻഡെലിയോൺ റൂട്ട് ഒരു പ്രകൃതിദത്ത ഡൈയൂററ്റിക് ആണ്. ഇത് മാലിന്യങ്ങൾ പുറന്തള്ളാനും വൃക്കയിലെ കല്ല് ഉണ്ടാകാനുള്ള സാധ്യത കുറയ്ക്കാനും സഹായിക്കും.
വൃക്കയിലെ കല്ല് സ്വാഭാവികമായി ഇല്ലാതാകാൻ ഏതാനും ദിവസങ്ങൾ മുതൽ ഏതാനും ആഴ്ചകൾ വരെ എടുത്തേക്കാം. ധാരാളം വെള്ളം കുടിക്കുകയും ആരോഗ്യകരമായ ഭക്ഷണക്രമം നിലനിർത്തുകയും ചെയ്യുന്നത് വഴി വൃക്കയിൽ കല്ലുകൾ ഉണ്ടാകുന്നത് തടയാൻ സാധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
