Mumbai: മയക്കുമരുന്ന് കേസിൽ ആര്യൻ ഖാൻ, അർബാസ് മർച്ചന്‍റ് അടക്കം 8 പേരെ ദിവസത്തേക്ക്കൂടി ജുഡീഷ്യൽ കസ്റ്റഡിയിൽ വിട്ടു. മുംബൈ കോടതിയാണ് കേസ് പരിഗണിച്ചത്.
താരപുത്രന്‍ ഉള്‍പ്പെട്ട കേസ് പ്രത്യേക എൻഡിപിഎസ് കോടതി (special NDPS court) പരിഗണിക്കുമെന്നും കോടതി പറഞ്ഞു.
ബോളിവുഡ് സൂപ്പർ താരം ഷാരൂഖ് ഖാന്റെ മകൻ ആര്യൻ ഖാന്റെ NCB കസ്റ്റഡി കാലാവധി ഇന്ന് അവസാനിച്ചിരുന്നു. റിപ്പോര്‍ട്ട് അനുസരിച്ച് മയക്കുമരുന്ന് കേസില്‍ NCB ആര്യൻ ഖാനെയും മറ്റ് 7 പേരെയും ഒക്ടോബർ 11 വരെയാണ് കസ്റ്റഡിയിൽ വാങ്ങിയത്.
മയക്കുമരുന്ന് കേസുമായി ബന്ധപ്പെട്ട് ഇപ്പോഴും റെയ്ഡ് തുടരുകയാണ് എന്നും ചോദ്യം ചെയ്യല്‍ തുടരുമെന്നും NCB കോടതിയെ അറിയിച്ചു. ഇതാണ് ഇവര്‍ക്ക് ജാമ്യം നിഷേധിക്കാനുള്ള കാരണമായി ചൂണ്ടിക്കാട്ടുന്നത്.
Also Read: Aryan Khan Drug Case : ആര്യൻ ഖാനെ കോടതി 3 ദിവസം കൂടി കസ്റ്റഡിയിൽ വിട്ടു, താരപുത്രന്റെ കൈയ്യിൽ നിന്ന് മയക്ക് മരുന്ന് ലഭിച്ചിട്ടില്ലയെന്ന് NCB
ഒക്ടോബർ 2 ന് ആഡംബര കപ്പലിൽ നടത്തിയ റെയ്ഡിന് ശേഷം ബോളിവുഡ് നടൻ ഷാരൂഖ് ഖാന്റെ (Shah Rukh Khan) മകൻ ആര്യൻ ഖാൻ ഉൾപ്പെടെ 18 പേരെയാണ് NCB ഉതിനോടകം അറസ്റ്റ് ചെയ്തിരിയ്ക്കുന്നത്.
NCB ശനിയാഴ്ച രാത്രി ഗോവയിലേക്ക് പോവുകയായിരുന്ന ക്രൂയിസ് കപ്പലിൽനിന്നാണ് മയക്കുമരുന്ന് സംഘത്തെ പിടികൂടിയത്.
Also Read: Aryan Khan | ഷാരൂഖിൻറെ മകൻ ആര്യൻ ഖാനെയും ചോദ്യം ചെയ്യുന്നു, റെയിഡിൽ അറസ്റ്റിലായത് 10 പേർ
അതേസമയം ആര്യന്‍ ഖാന്റെ പക്കല്‍നിന്ന് മയക്ക് മരുന്നുകൾ ലഭിച്ചിട്ടില്ല എന്നാണ് NCB കോടതിയില്‍ അറിയിച്ചിരിയ്ക്കുന്നത്. കേസിൽ മറ്റ് പ്രതികളായ അർബാസ് സേത് മർച്ചന്‍റിന്‍റെ പക്കൽ നിന്നും 5 ഗ്രാം ചരസും നടി മുൻമുൻ ധമേച്ചയിൽ നിന്ന് 6 ഗ്രാം ചരസുമാണ് കണ്ടെത്തിയതെന്നുമാണ് NCB കോടതിയെ അറിയിച്ചി രിയ്ക്കുന്നത്.
മുംബൈയിൽ നിന്ന് ഗോവയിലേക്ക് പോവുകയായിരുന്ന ക്രൂസ് കപ്പലിലാണ് ലഹരി ഉത്പനങ്ങൾ എൻസിബി കണ്ടെത്തിയത്. എൻസിബിയുടെ രണ്ടാഴ്ച നീണ്ട അന്വേഷണത്തിനൊടുവിലാണ് ഒക്ടോബർ 2ന് ക്രൂയിസ് കപ്പലിൽ റെയ്ഡ് സംഘടിപ്പിച്ചത്. യാത്രക്കാരുടെ വേഷത്തിൽ NCB ഉദ്യോഗസ്ഥർ കപ്പലിൽ കയറി പറ്റുകയായിരുന്നു. മാരക മയക്ക് മരുന്നകളായ MDMA, കൊക്കെയ്ൻ, മെഫെഡ്രോൺ, ചരസ് തുടങ്ങിയവയാണ് എൻസിബി ക്രൂസിൽ നിന്ന് കണ്ടെത്തിയത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
