പിഎൻബി റിക്രൂട്ട്മെൻറ് 2022: പഞ്ചാബ് നാഷണൽ ബാങ്കിൽ വിവിധ തസ്തികകളിൽ അപേക്ഷ ക്ഷണിച്ചു. ഉദ്യോഗാർഥികൾ pnbindia.in സന്ദർശിച്ച് ഓൺലൈനായി അപേക്ഷ സമർപ്പിക്കണം.ഈ തസ്തികകളിലേക്ക് അപേക്ഷിക്കാനുള്ള അവസാന തീയതി ഓഗസ്റ്റ് 30 ആണ്. ആകെ 103 തസ്തികകളിലേക്കാണ് റിക്രൂട്ട്മെൻറ് വഴി നിയമനം നടക്കുന്നത്.
ഒഴിവുകളുടെ വിശദാംശങ്ങൾ
ആകെ തസ്തികകളുടെ എണ്ണം- 103
ഓഫീസർ (ഫയർ സേഫ്റ്റി): 23 പോസ്റ്റുകൾ
മാനേജർ (സെക്യൂരിറ്റി): 80 തസ്തികകൾ
വിദ്യാഭ്യാസ യോഗ്യതയുടെ വിശദാംശങ്ങൾ
ഈ റിക്രൂട്ട്‌മെന്റ് ഡ്രൈവിലൂടെ ഓഫീസർ (ഫയർ സേഫ്റ്റി) തസ്തികയിലേക്ക് അപേക്ഷിക്കുന്ന ഉദ്യോഗാർത്ഥികൾ ഏതെങ്കിലും അംഗീകൃത സർവകലാശാലയിൽ നിന്ന് ബന്ധപ്പെട്ട വിഷയത്തിൽ ബിഇ ബിരുദം നേടിയിരിക്കണം. അതേ സമയം, മാനേജർ തസ്തികകളിലേക്ക് അപേക്ഷിക്കുന്നതിന്, സ്ഥാനാർത്ഥി ഏതെങ്കിലും സ്ട്രീമിൽ ബിരുദം നേടിയിരിക്കണം.
പ്രായപരിധി,അപേക്ഷാ ഫീസ്
വിജ്ഞാപനമനുസരിച്ച്, അപേക്ഷിക്കുന്ന ഉദ്യോഗാർത്ഥിയുടെ പ്രായം 21 വയസ്സിനും 35 വയസ്സിനും ഇടയിൽ ആയിരിക്കണം. അതേസമയം സംവരണ വിഭാഗക്കാർക്ക് സർക്കാർ മാർഗ്ഗനിർദ്ദേശങ്ങൾ അനുസരിച്ച് ഇളവ് നൽകും. ഉദ്യോഗാർത്ഥികൾ 1003 രൂപയും SC/ST/PWBD വിഭാഗക്കാർക്ക് 59 രൂപയുമാണ് അടക്കേണ്ടത്.
തിരഞ്ഞെടുപ്പ്
എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് ഉദ്യോഗാർത്ഥികളെ തിരഞ്ഞെടുക്കുന്നത്. എഴുത്തുപരീക്ഷയിൽ 2 മാർക്കിന്റെ 50 ചോദ്യങ്ങൾ ഉണ്ടായിരിക്കും. പരീക്ഷയുടെ ദൈർഘ്യം 60 മിനിറ്റാണ്, പരമാവധി മാർക്ക് 100 ആണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...android Link - https://bit.ly/3b0IeqA
