പ്രണയാർദ്രമായ 'നാൻ പിഴൈ' പാടി നടി കൃഷ്ണപ്രഭ

കൊച്ചി : സിനിമയിലും സീരിയലുകളിലും ടെലിവിഷൻ ഷോകളിലും അഭിനയവും നൃത്തവുമായി തിളങ്ങി നിന്ന കൃഷ്ണപ്രഭ അസ്സൽ ഗായിക കൂടിയാണ്. കാതുവാക്കിലേ രണ്ടു കാതൽ എന്ന എന്ന തമിഴ് ചിത്രത്തിലെ ഹിറ്റ് ഗാനം നാൻ പിഴെ എന്ന ഗാനത്തിനൊരുക്കിയ കവർ സോങുമായാണ് കൃഷ്ണപ്രിയ സോഷ്യൽ മീഡിയയിൽ തരംഗമാകുന്നത്. 

മനോഹരമായ പശ്ചാത്തലത്തിലാണ് നോയിസ് ഗേറ്റ് മീഡിയ ഗാനത്തിന്റെ കവർ ഒരുക്കിയിരിക്കുന്നത്. മനോഹരമായൊരു പ്രണയാനുഭവം നൽകുകയാണ് കൃഷ്ണപ്രിയ തന്റെ സ്വരത്തിലൂടെ. 

ഡെൻസൺ ഡൊമനിക് ആണ് കവർസോങിന്റെ ക്രിയേറ്റീവ് ഹെഡ്. മനു മധു എഡിറ്റിങ്. ശ്രീരാഗ് മാങ്ങാട്ട് ആണ് ക്യാമറ. ശ്യാം ലാൽ, വിഷ്ണു പി വി, സനീഷ്, എം എസ് നിതിൻ, ജിതിൻ കച്ചിലാച്ച്, ദിനേഷ് തുടങ്ങിയവരും പിന്നിൽ പ്രവർത്തിച്ചിട്ടുണ്ട്. 

വിഘ്നേശ് ശിവൻ സംവിധാനം ചെയ്യുന്ന തമിഴ് ചിത്രമാണ് കാതുവാക്കിലേ രണ്ടുകാതൽ. നയൻതാര, വിജയ് സേതുപതി, സാമന്ത എന്നിവർ പ്രധാനകഥാപാത്രങ്ങളായി എത്തുന്ന ചിത്രത്തിലെ ഗാനത്തിനാണ് കൃഷ്ണപ്രഭ മനോഹരമായ കവർ ഒരുക്കിയത്. വിഘനേശ് ശിവൻ തന്നെയാണ് വരികൾ എഴുതിയിരിക്കുന്നതും. 

അഭിനയത്തിനും നൃത്തിനും പുറമേ മികച്ചൊരു ഗായിക കൂടിയാണ് കൃഷ്ണപ്രഭ. ഇതിനും മുമ്പും പാടിയ ഗാനങ്ങളൊക്കെ ശ്രദ്ധിക്കപ്പെട്ടിരുന്നു.