തിരുവനന്തപുരം: ഇത്തവണയും മറ്റൊരു നാക്കു പിഴയുടെ പേരിൽ നവ്യാനായർ എയറിലായിരിക്കുകയാണ്. മുനിവര്യൻമാരെ പറ്റിയായിരുന്നു ആദ്യത്തെ പ്രസ്താവനയെങ്കിൽ ഇത്തവണ അത് തൻറെ സ്വന്തം നാടിനെ പറ്റിയായിരുന്നു. ഒരു അഭിമുഖത്തില്‍ താരം പറഞ്ഞ പ്രസ്താവനയാണ് വിവാദത്തിലായത്.
ഒരു ചാനല്‍ അഭിമുഖത്തിലാണ് മുതുകുളത്തെ പറ്റി ഈ നാട് എവിടെ തിരിഞ്ഞാലും കുളങ്ങളുള്ള കുഗ്രാമമാണെന്നും ഇവിടുത്തെ ആളുകളുടെ അകത്തും പുറത്തും എപ്പോഴും വെള്ളമാണെന്നും നവ്യ പറഞ്ഞത്.ഇന്നാട്ടിൽ വൈദ്യുതി ഉണ്ടോയെന്ന് പോലും ഒരിക്കല്‍ നടന്‍ ദിലീപ് അതിശയിച്ചതായും നവ്യ വിഡിയോയിൽ പറയുന്നുണ്ട്. സംഭവം വിവാദമായതോടെ കായംകുളം,മുതുകുളം എന്നിവിടങ്ങളില്‍ നിന്നുള്ള ചില സോഷ്യല്‍ മീഡിയ ഗ്രൂപ്പുകളിൽ വലിയ പ്രതിഷേധമാണ് ഉയരുന്നത്. നവ്യ പറഞ്ഞത് ഇങ്ങനെ.
ഞാനൊരു ഭയങ്കര നാട്ടും പുറത്ത് നിന്ന് വരുന്നയാളാണ് 'ചേപ്പാട്' അച്ഛൻറെയും അമ്മയുടെയും നാട് അടുത്തടുത്ത സ്ഥലങ്ങളാണ്.
.ഒരിക്കൽ ദിലീപേട്ടൻ അവിടെ വന്ന് ഇവിടെ കറൻറ് ഒക്കെയുണ്ടോ എന്ന് ചോദിച്ചിട്ടുണ്ട്. പാടങ്ങൾ മാത്രമാണ്. നിറയെ കുളങ്ങളാണ്.ആളുകളുടെ അകത്തും വെള്ളം പുറത്തും വെള്ളം- എന്നായിരുന്നു നവ്യയുടെ കമൻറ്.
അതേസമയം തങ്ങളുടെ നാട്ടിൽ വൈദ്യുതി ഉണ്ടോ എന്നല്ല പകരം വൈദ്യുതി ഉണ്ടാക്കുന്നുണ്ട് എന്നാണ് ചിലർ പോസ്റ്റുകളിൽ പറയുന്നത്. രാജ്യത്തെ പ്രധാന തെർമൽ പവർ സ്റ്റേഷനുകളിൽ ഒന്ന് കായംകുളത്താണ്- എൻടിപിസി എന്ന് നവ്യ പറഞ്ഞെങ്കിൽ ഞങ്ങൾ എത്ര അഭിമാനിക്കുമായിരുന്നു എന്നും ചില പോസ്റ്റുകള്‍ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
