Telugu Actor Chandrakant Death: തെലുങ്ക് സീരിയൽ താരം ചന്ദ്രകാന്ത് മരിച്ച നിലയിൽ

Chandrakant Death: ഏതാനും ദിവസങ്ങൾക്ക് മുൻപായിരുന്നു നടി പവിത്ര ജയറാം വാഹാനപകടത്തിൽ മരിച്ചത്. ചന്ദ്രകാന്ത് പവിത്രയുടെ അടുത്ത സുഹൃത്തായിരുന്നു.

Actor Chandrakant Suicide: തെലുങ്ക് സീരിയൽ താരം ചന്ദ്രകാന്തിനെ മരിച്ച നിലയിൽ കണ്ടെത്തിയായതായി റിപ്പോർട്ട്. വെള്ളിയാഴ്ച അൽകാപൂരിലെ വീട്ടിലാണ് താരത്തിന്റെ മൃതദേഹം കണ്ടെത്തിയതെന്നാണ് റിപ്പോർട്ട്. 

ഫോണിൽ വിളിച്ചിട്ടും നടൻ ഫോൺ എടുക്കാത്തതിനെ തുടർന്ന് കുടുംബാം​ഗങ്ങൾ മുറിയുടെ വാതിൽ തകർത്ത് അകത്ത് കയറിയപ്പോഴാണ് താരത്തെ മരിച്ച നിലയിൽ കണ്ടെത്തിയത്. നടന്റെ ആത്മഹത്യാകുറിപ്പും പോലീസ് കണ്ടെത്തി. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. 

ചന്ദു എന്നാണ് മരിച്ച ചന്ദ്രകാന്ത് അറിയപ്പെട്ടിരുന്നത്. ഏതാനും ദിവസങ്ങൾക്ക് മുൻപായിരുന്നു നടി പവിത്ര ജയറാം വാഹാനപകടത്തിൽ മരിച്ചത്. ചന്ദ്രകാന്ത് പവിത്രയുടെ അടുത്ത സുഹൃത്തായിരുന്നു. പ്രിയസുഹൃത്തിന്റെ വേർപാട് താരത്തെ ശരിക്കും മാനസികമായി തകർത്തിരുന്നുവെന്നും നടൻ വിഷാദത്തിലായിരുന്നുവെന്നുമാണ് സുഹൃത്തുക്കൾ പറയുന്നത്. 

പവിത്ര അപകടത്തിൽപ്പെട്ട വാഹനത്തിൽ ചന്ദ്രകാന്തും ഉണ്ടായിരുന്നു.  പവിത്ര സഞ്ചരിച്ചിരുന്ന കാർ നിയന്ത്രണം വിട്ട് ഡിവൈഡറിൽ ഇടിച്ചാണ് അപകടമുണ്ടായത്.  അപകടത്തിൽ നടി സംഭവസ്ഥലത്തു വെച്ചുതന്നെ മരിച്ചു.  ഇരുവരും ത്രിനയനി എന്ന തെലുങ്ക് പരമ്പരയിലൂടെയാണ് ശ്രദ്ധേയരായത്. പവിത്രയും ചന്ദ്രകാന്തും തമ്മിൽ വിവാഹിതരാകാൻ ഒരുങ്ങവേയായിരുന്നു അപ്രതീക്ഷിതമായി നടിയുടെ വിയോ​ഗമുണ്ടായതെന്നും റിപ്പോർട്ടുണ്ട്. താരങ്ങളുടെ പെട്ടെന്നുള്ള വിയോ​ഗത്തിൽ  അക്ഷരർത്ഥത്തിൽ ഞെട്ടയിരിക്കുകയാണ് തെലുങ്ക് സീരിയൽ താരങ്ങൾ.