Astro Traits: ഓരോ വ്യക്തിയുടെയും സ്വഭാവം വ്യത്യസ്തമാണ്. അതുപോലെ തന്നെ ജ്യോതിഷപ്രകാരവും ഓരോ രാശികളുടെയും സ്വഭാവവും ഇഷ്ടാനിഷ്ടങ്ങളും വ്യക്തിത്വവും ഒക്കെ വ്യത്യസ്തമാണ്. എല്ലാ കാര്യങ്ങളിലും വിജയിക്കുന്ന ജയം മാത്രം ആഗ്രഹിക്കുന്ന ചില രാശികളിലെ പെൺകുട്ടികളെ കുറിച്ചറിയാം...
മേടം രാശിക്കാരായ സ്ത്രീകൾ വളരെ ധീരരും, നിർഭയരും, ഊർജ്ജസ്വലരുമാണ്. എന്ത് കാര്യത്തിലും വിജയം ആഗ്രഹിക്കുന്ന ഇവർ അതിന് വേണ്ടി കഠിനാധ്വാനം ചെയ്യും. ഈ രാശിയിലുള്ള പെൺകുട്ടികളെ തോൽപ്പിക്കുക വളരെ ബുദ്ധിമുട്ടാണ്.
ജ്യോതിഷപ്രകാരം ഇടവം രാശിയിലുള്ള സ്ത്രീകളെ ശാഠ്യക്കാരും വൈകാരികരുമായി കണക്കാക്കുന്നു. ശാഠ്യ സ്വഭാവക്കാർ ആയതിനാൽ തന്നെ അവർക്ക് എല്ലാത്തിലും വിജയിക്കാനും ശ്രമിക്കും. എല്ലാ കാര്യത്തിലും മുന്നിൽ നിൽക്കാൻ ഇവർ ശക്തമായി പോരാടും.
വൃശ്ചികം രാശിയിലുള്ള സ്ത്രീകൾ ജീവിതത്തിൽ തോൽക്കാൻ ഇഷ്ടപ്പെടുന്നില്ല. ഉന്നതസ്ഥാനത്ത് വരാൻ ആഗ്രഹിക്കുന്ന ഇവർ അതിനായി കഠിനാധ്വാനവും ചെയ്യുന്നു.
മകരം രാശിക്കാരായ സ്ത്രീകൾ അച്ചടക്കമുള്ളവരും കഠിനാധ്വാനികളും സത്യസന്ധരുമായി കണക്കാക്കപ്പെടുന്നു. ഈ പെൺകുട്ടികൾ വിജയിക്കാൻ രാവും പകലും അധ്വാനിക്കും. തങ്ങളുടെ ജോലിയിൽ ആരെങ്കിലും ഇടപെടുന്നത് ഇവർക്ക് ഇഷ്ടമുള്ള കാര്യമല്ല. ഇക്കൂട്ടർ നിശ്ചയദാർഢ്യത്തോടെ എല്ലാ വെല്ലുവിളികളെയും നേരിടുന്നു. (Disclaimer: ഇവിടെ നൽകിയിരിക്കുന്ന വിവരങ്ങൾ പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്.)
