ഇന്ന് മിക്ക ആളുകളും വളരെ പ്രാധാന്യത്തോടെ നോക്കുന്ന ഒന്നാണ് ചർമ്മ സംരക്ഷണം. മുഖക്കുരുവോ പാടുകളോ, ചർമ്മത്തിലെ ചുളിവുകളോ ഒക്കെ കണ്ടുകഴിഞ്ഞാൽ പിന്നെ അത് എങ്ങനെ മാറ്റാം എന്നുള്ള ഗവേഷണത്തിലും വേണ്ട കാര്യങ്ങൾ ചെയ്യുന്നതിലുമായിരിക്കും ഇവരുടെ ശ്രദ്ധ. പഴങ്ങളും പച്ചക്കറികളും ചർമ്മ സംരക്ഷണത്തിൽ വലിയ പങ്കുവഹിക്കുന്നുണ്ട്. ഇവയിൽ വിറ്റാമിനുകൾ, ധാതുക്കൾ, മൈക്രോ ന്യൂട്രിയന്റുകൾ, ആന്റിഓക്‌സിഡന്റുകൾ എന്നിവ അടങ്ങിയിട്ടുണ്ട്. ഇത് ചർമ്മ പ്രശ്നങ്ങളിൽ നിന്ന് മുക്തി നേടാൻ സഹായിക്കും. ആരോഗ്യവും തിളക്കവുമുള്ള ചർമ്മത്തിനായി കുടിക്കേണ്ട ജ്യൂസുകളെ കുറിച്ച് അറിയാം...
ക്യാരറ്റ് - കരോട്ടിനോയിഡുകളുടെ ഫ്ലേവനോയിഡുകൾ, ആന്റിഓക്‌സിഡന്റുകൾ എന്നിവയുടെ കലവറയാണ് ക്യാരറ്റ്. രോഗപ്രതിരോധശേഷി മെച്ചപ്പെടുത്തുന്നതിനും ക്യാരറ്റ് മികച്ചതാണ്. ചർമ്മത്തിന് ഗുണം ചെയ്യുന്ന അവശ്യ പോഷകങ്ങൾ ക്യാരറ്റിൽ അടങ്ങിയിട്ടുണ്ട്.
തക്കാളി - തക്കാളിയിൽ കരോട്ടിൻ, ബീറ്റാ കരോട്ടിൻ, ലൈക്കോപീൻ എന്നിവ അടങ്ങിയിട്ടുണ്ട്. ചർമ്മത്തെ അൾട്രാവയലറ്റ് രശ്മികൾ മൂലമുണ്ടാകുന്ന കേടുപാടുകളിൽ നിന്ന് സംരക്ഷിക്കാൻ ലൈക്കോപീന് സാധിക്കും. സൂര്യതാപം, ഫോട്ടോയിംഗ് ലക്ഷണങ്ങൾ, യുവി എക്സ്പോഷർ മൂലമുണ്ടാകുന്ന പിഗ്മെന്റേഷൻ എന്നിവയിൽ നിന്നും ഇത് ചർമ്മത്തെ സംരക്ഷിക്കും.
നാരങ്ങ വെള്ളം - സിട്രസ് പഴങ്ങളിൽ വിറ്റാമിൻ സി അടങ്ങിയിട്ടുണ്ട്. നാരങ്ങയും സിട്രസ് പഴമാണ്. വിറ്റാമിൻ സി കൊളാജൻ സിന്തസിസിന് അത്യാവശ്യമാണ്. പേശികൾ, ടിഷ്യു, ചർമ്മം എന്നിവയുടെ ഒരു പ്രധാന ഘടകമാണ് ഇത്. വിറ്റാമിൻ സി ചർമ്മത്തെ ആരോഗ്യകരവും തിളക്കമുള്ളതുമായി നിലനിർത്തുന്നു.
ബീറ്റ്റൂട്ട് ജ്യൂസ് - ബീറ്റ്റൂട്ട് കഴിക്കുന്നതും കുടിക്കുന്നതുമൊക്കെ ആരോഗ്യത്തിന് വളരെ നല്ലതാണ്. ഒപ്പം ഇത് ചർമ്മ സംരക്ഷണത്തിനും മികച്ചതാണ്. ശരീരത്തിന്റെ ആന്റിഓക്‌സിഡന്റ് പ്രതിരോധത്തെ ശക്തിപ്പെടുത്തുകയും ഓക്‌സിഡേറ്റീവ് നാശത്തിൽ നിന്ന് കോശങ്ങളെ സംരക്ഷിക്കുകയും ചെയ്യാൻ ബീറ്റ്റൂട്ടിന് കഴിയും.
