Breaking...!! Tokyo Olympics 2020: വനിതാ ബാഡ്മിന്റണില്‍ ഇന്ത്യയ്ക്ക് വെങ്കലം, യശസ്സുയര്‍ത്തി PV Sindhu

Tokyo Olympics 2020: കടുത്ത പോരാട്ടത്തില്‍ ചൈനയുടെ ഹെ ബിങ്ങ് ജിയാവോ പരാജയപ്പെടുത്തി ഇന്ത്യയ്ക്ക് വെങ്കല മെഡല്‍ സമ്മാനിച്ച്‌  PV സിന്ധു. 

വാശിയേറിയ പോരാട്ടത്തില്‍ നേരിട്ടുള്ള സെറ്റുകള്‍ക്കാണ്  PV Sindhu ചൈനയുടെ ഹെ ബിങ്ങ് ജിയാവോയെ പരാജയപ്പെടുത്തിയത്. ആദ്യ  ഗെയിം  21-13 ന്  സിന്ധു സ്വന്തമാക്കിയിരുന്നു.  രണ്ടാമത്തെ ഗെയിം 21-15 ന് താരം  സ്വന്തമാക്കി. ഒപ്പം വെങ്കല മെഡലും....! 

ഇതോടെ ഒളിമ്പിക്സ്   ബാഡ്മിന്റണില്‍   തുടര്‍ച്ചയായി മെഡല്‍ നേടിയ താരമെന്ന ഖ്യാതിയും സിന്ധു കരസ്ഥമാക്കി.  ഇത് പി വി സിന്ധുവിന്‍റെ രണ്ടാം ഒളിമ്പിക്സ് ആണ്.  കഴിഞ്ഞ ഒളിമ്പിക്സില്‍ വെള്ളി മെഡല്‍ ജേതാവാണ്‌ താരം. 

അതേസമയം, കഴിഞ്ഞ ദിവസം നടന്ന  വനിതാ സെമിഫൈനലിൽ ചൈനീസ് തായ്‌പേയ് താരം സൂ യിങ്ങിനോട് നേരിട്ടുള്ള ഗെയിമുകൾക്കാണ് സിന്ധു പരാജയപ്പെട്ടത്.  ആദ്യ സെറ്റ് 18-21 കൈവിട്ട സിന്ധു രണ്ടാം സെറ്റിൽ 12-21ന് പതറുകയായിരുന്നു.  ഇരുവരും   ഇതുവരെ  19 തവണയാണ്  പരസ്പരം ഏറ്റുമുട്ടിയത്. അതില്‍   14 തവണയും  സൂ യിങ്ങ്  സിന്ധുവിനെ പരാജയപ്പെടുത്തുകയായിരുന്നു. 

ക്വാര്‍ട്ടറില്‍ ജപ്പാന്‍റെ അകാനെ യമാഗുച്ചിയെ (Akane Yamaguchi)പരാജയപ്പെടുത്തിയാണ്  പി വി  സിന്ധു  (P V Sindhu) സെമിയില്‍ കടന്നത്‌.  സ്കോര്‍ 21–13, 22–20. 

ടോക്കിയോ  ഒളിമ്പിക്സില്‍, കഴിഞ്ഞ തവണത്തെ വെള്ളി മെഡല്‍ സ്വര്‍ണമാക്കി മാറ്റാനുള്ള സിന്ധു വിന്‍റെ തീവ്രശ്രമം  ഫലം കണ്ടില്ല എങ്കിലും    ഇന്ത്യയുടെ മെഡല്‍ പട്ടികയില്‍ ഇടം നേടാന്‍ സിന്ധുവിന് കഴിഞ്ഞു.