അരികള്‍ പലതരം ഉണ്ട്. നാം സാധാരണ കഴിയ്ക്കാറുള്ള വെളുത്ത അരി പോലെതന്നെ ബ്രൗൺ, ബ്ലാക്ക്, ചുവന്ന അരിയും ഉണ്ട്. ഈ പലതരത്തിലുള്ള അരിയുടെ ഗുണങ്ങളും പലതാണ്... കറുത്ത അരിയുടെ ഗുണങ്ങള്‍ അതിനെ അരികള്‍ക്കിടെയില്‍ ഒരു "സൂപ്പർഫുഡ്" ആയി കണക്കാന്‍ ഇടയാക്കുന്നു.
കറുത്ത അരി അതിന്‍റെ ആന്‍റിഓക്‌സിഡന്‍റ് ഗുണങ്ങളില്‍ ബ്ലൂബെറിയെക്കാൾ ശക്തമാണ്. പ്രതിരോധശേഷി വർദ്ധിപ്പിക്കാനും ഹൃദയ സംബന്ധമായ അസുഖങ്ങൾ, പ്രമേഹം, തുടങ്ങിയവയില്‍നിന്ന് നിങ്ങളുടെ ശരീരത്തെ സംരക്ഷിക്കാനും കറുത്ത അരി ഏറെ സഹായകമാണ്.
കറുത്ത അരി 5-6 മാസത്തിനുള്ളിൽ വളര്‍ച്ചയെത്തുന്നു. വെളുത്ത അരി പോലെതന്നെയാണ് ഇതും തയ്യാറാക്കുന്നത്.
ഇന്ത്യയിലെ പല സംസ്ഥാനങ്ങളിലും ഇപ്പോള്‍ കറുത്ത അരി കൃഷി ചെയ്യുന്നുണ്ട്. മണിപ്പൂർ, അസം തുടങ്ങിയ സംസ്ഥാനങ്ങളിലാണ് ഇത് കൂടുതലായി കൃഷി ചെയ്യുന്നത്.
കറുത്ത അരി കിലോയ്ക്ക് 400 രൂപ മുതൽ 500 രൂപ വരെയാണ് വിപണി വില.
പല ഏഷ്യൻ രാജ്യങ്ങളിലും കറുത്ത അരിക്ക് ഏറെ ആവശ്യക്കാരുണ്ട്. അതിലൊന്നാണ് ഇന്തോനേഷ്യ.
കറുത്ത അരിയിൽ വിറ്റാമിൻ ബിയും വിറ്റാമിൻ ഇയും അടങ്ങിയിട്ടുണ്ട്. ഇത് ഹൃദ്രോഗം, അൽഷിമേഴ്സ്, ക്യാൻസർ എന്നിവയിൽ നിന്ന് നിങ്ങളെ സംരക്ഷിക്കുന്നു.
ശരീരഭാരം നിയന്ത്രിക്കാൻ ഈ അരി ഏറെ സഹായകമാണ്. കണ്ണിന്‍റെ ആരോഗ്യം വർദ്ധിപ്പിക്കുക, ശരീരത്തിനുണ്ടാകുന്ന വീക്കം കുറയ്ക്കുക എന്നിങ്ങനെ കറുത്ത അരി നല്‍കുന്ന ഗുണങ്ങള്‍ അനവധിയാണ്.