క్యారెట్ సమోసాలు ఎప్పుడైనా ట్రై చేశారా? ఈ ఎవర్ గ్రీన్ రెసిపీ మీ కోసమే..

క్యారెట్ సమోసాలను చాలామంది ఇంట్లో తయారు చేసుకుంటున్నారు. ఈ తయారీ సమయంలో కొన్ని తప్పులు చేస్తున్నారు. దీనివల్ల సరైన రుచి పొందలేకపోతున్నారు.

నిజానికి క్యారెట్ సమోసాను ఎంతో సులభమైన పద్ధతిలో తక్కువ ఇంగ్రిడియంట్స్ తో తయారు చేసుకోవచ్చు. అయితే దీనిని ఎలా తయారు చేసుకోవాలో? కావలసిన పదార్థాలు ఏంటో ఇప్పుడు తెలుసుకుందాం.

క్యారెట్ సమోసా కు కావలసిన పదార్థాలు: మైదా పిండి - 1 కప్పు, నూనె - 2 టేబుల్ స్పూన్లు, ఉప్పు - రుచికి సరిపడా, నీరు - తగినంత

కూర కోసం కావలసిన పదార్థాలు: క్యారెట్లు - 2 (తురిమినవి), ఉల్లిపాయలు - 1 (సన్నగా తరిగినవి), పచ్చిమిర్చి - 2 (సన్నగా తరిగినవి), అల్లం - 1/2 అంగుళం (సన్నగా తరిగినది), నూనె - 1 టేబుల్ స్పూన్, జీలకర్ర - 1/2 టీ స్పూన్, ఆవాలు - 1/2 టీ స్పూన్

కావలసిన పదార్థాలు: పసుపు - 1/4 టీ స్పూన్, కారం - 1/2 టీ స్పూన్, ధనియాల పొడి - 1/2 టీ స్పూన్, గరం మసాలా - 1/4 టీ స్పూన్, ఉప్పు - రుచికి సరిపడా, కొత్తిమీర - కొద్దిగా (సన్నగా తరిగిన)

తయారీ విధానం: ముందుగా ఈ క్యారెట్ సమోసాలు తయారు చేసుకోవడానికి ఒక పెద్ద బౌల్ తీసుకోవాల్సి ఉంటుంది. అందులో మైదాపిండి, వేడి చేసిన నూనెను వేసుకొని నీరు పోస్తూ మెత్తగా కలుపుకోండి.

ఇలా కలుపుకున్న పిండిని దాదాపు 15 నుంచి 20 నిమిషాల వరకు బాగా నానబెట్టుకోవాల్సి ఉంటుంది. ఇలా నానబెట్టుకున్న తర్వాత స్టఫింగ్ కు సంబంధించిన కూర ప్రాసెస్ ని స్టార్ట్ చేయండి.

కూర తయారీ కోసం ముందుగా ఒక పెద్ద ఫ్యాన్ తీసుకోండి.. దానిని స్టవ్ పై పెట్టుకొని అందులో తగినంత నూనె, కాస్తంత నెయ్యి వేసుకొని జీలకర్ర వేసుకొని వేయించుకోండి.

ఆ తర్వాత ఉల్లిపాయలు పచ్చిమిర్చి వేసుకొని బాగా వేపుకోండి. ఇలా వేపుకున్న తర్వాత అల్లం ముక్కలు క్యారెట్, తురుము పసుపు, కారం, ధనియాల పొడి, గరం మసాలా వేసుకొని బాగా మిక్స్ చేసుకోండి.

ఆ తర్వాత తగినంత కొత్తిమీర, ఇతర పదార్థాలు వేసుకొని కూడా బాగా మిక్స్ చేసుకొని దాదాపు రెండు నిమిషాలు బాగా ఉడికించుకొని పక్కకు తీసుకోండి.

ముందుగా తయారు చేసుకున్న సమోసాల పిండిని రోటీల్లా తయారు చేసుకొని.. దానిని మధ్యలో కట్ చేసుకుని స్టఫింగ్ చేసుకొని సమోసాలా తయారు చేసుకోండి.

ఆ తర్వాత పెద్ద కళాయి పెట్టుకొని అందులో తగినంత నూనె వేసుకుని ఈ సమోసాలను అందులో వేసి కలర్ మారాంతవరకు వేపుకోండి.