ఓట్స్‌తో దోస.. ఒక్కసారి తిన్నారంటే జన్మలో వదిలిపెట్టరు..

ఓట్స్‌లో ఫైబర్ ఎక్కువ మోతాదులో ఉంటుంది. కాబట్టి దీనితో తయారుచేసిన ఎలాంటి ఆహారాలు తిన్న అద్భుతమైన లాభాలు కలుగుతాయి.

ముఖ్యంగా బరువు తగ్గాలనుకుంటున్న వారు ఓట్స్‌తో తయారు చేసిన దోస ప్రతిరోజు తినడం వల్ల మంచి ఫలితాలు పొందుతారు.

అలాగే పొట్ట సమస్యలు ఉన్నవారు కూడా ఓట్స్‌తో తయారు చేసిన దోసను తినవచ్చు.

ఓట్స్ దోసకు కావలసిన పదార్థాలు, తయారీ విధానం పూర్తి వివరాలు ఇవే..

కావలసిన పదార్థాలు: ఓట్స్ - 1 కప్పు, ఉప్మా పిండి - 1/2 కప్పు, పొడులు (పసుపు, కారం, ఉప్పు), నీరు - అవసరమైనంత, నూనె - వేయడానికి

తయారీ విధానం: ఓట్స్ దోసను తయారు చేసుకోవడానికి ముందుగా ఒక పాత్రలో కొంచెం నూనె వేసుకుని వాటిని బాగా వేయించుకోవలసి ఉంటుంది.

గోల్డెన్ బ్రౌన్ వచ్చేంతవరకు వేయించుకొని ఓట్స్ను మిక్సీ పట్టుకోవాలి. ఇలా మిక్సీ పట్టుకున్న పిండిని ఒక బౌల్లో వేసుకొని పక్కన పెట్టుకోండి.

ఓట్స్ పిండిని తీసుకొని అందులో కొంచెం దోస బ్యాటర్ ను కూడా వేసుకోండి. ఇలా రెండింటిని మిక్స్ చేసి.. పైన పేర్కొన్న పదార్థాలు వేసుకోవాల్సి ఉంటుంది.

ఇలా అన్ని పదార్థాలను బాగా మిక్స్ చేసుకొని.. దాదాపు ఒక గంట సేపు బ్యాటర్ ను పక్కన పెట్టుకోండి..

ఇలా తయారు చేసుకున్న బ్యాటర్ను నాన్ స్టిక్ పెనం ని వేడి చేసి దానిపై సన్నగా దోస వేసుకోండి. ఇలా వేసుకున్న దోసను రెండు వైపులా కాల్చండి.

కాల్చిన దోసను ఒక ప్లేట్లోకి తీసుకుంటే రెడీ అయినట్లే.. దీనిని పల్లి చట్నీ తో లేదా పుట్నాల చట్నీతో సర్వ్ చేసుకోండి.