Indian Economy: મોર્ગન સ્ટેનલીએ કહ્યું, 2027 સુધી ભારત દુનિયાની ત્રીજી સૌથી મોટી અર્થવ્યવસ્થા

Indian Economy: 2027 સુધી ભારતીય અર્થવ્યવસ્થા દુનિયાની ત્રીજી સૌથી મોટી અર્થવ્યવસ્થાઓમાં સામેલ થશે. રિસર્ચ એજન્સી મોર્ગન સ્ટેનલી (Morgan Stanley) એ આ ભવિષ્યવાણી કરી છે. મોર્ગન સ્ટેનલીએ પોતાના રિપોર્ટમાં કહ્યું કે આગામી 10 વર્ષોમાં ભારતનો જીડીપી હાલના 3.4 ટ્રિલિયન ડોલરથી વધીને બમણો 8.5 ટ્રિલિયન ડોલર થઇ જશે. રિપોર્ટ અનુસાર ભારત દર વર્ષે પોતાના જીડીપીમાં 400 અરબ ઉમેરશે. તેનાથી વધુ જીડીપી ફક્ત અમેરિકા અને ચીનનો રહેવાનો છે. 

મોર્ગન સ્ટેનલીએ પોતાના રિપોર્ટમાં કહ્યું કે ભારતીય શેર બજારના માર્કેટ કેપિટલાઇઝેશન દુનિયામાં ત્રીજી સૌથી વધુ રહેશે. રિપોર્ટ અનુસાર ભારતીય બજારની માર્કેટ કેપ 2032 સુધી 3.4 ટ્રિલિયન ડોલરથી વધીને 11 ટ્રિલિયન ડોલર રહેવાનું અનુમાન છે. જોકે આ બધુ સ્થાનિક ઘરેલૂ અને વૈશ્વિક માહોલ બાદ જ સંભવ થશે. રિપોર્ટમાં કહેવામાં આવ્યું છે કે તેના માટે રોકાણ અને રોજગારની તક વધવાને લઇને સારી પોલિસી પર ભાર મુકવો પડશે. 

મોર્ગન સ્ટેનલીના અનુસાર જીએસટીના લાગૂ થતાં ઘરેલૂ બજારના એકીકરણમાં મદદ મળી છે સાથે જ કોર્પોરેટ ટેક્સમાં કાપ સાથે દેશમાં અલગ અલગ સેક્ટર્સમાં રોકાણને પ્રોત્સાહન આપવા માટે પ્રોડક્શન લિંક્ડ ઇંસેંટિવનો પણ ફાયદો મળી રહ્યો છે. રિપોર્ટ અનુસાર સર્વિસિઝ એક્સપોર્ટમાં ભારતની ભાગીદારી પહેલાંથી વધુ છે અને મહામારી દરમિયાન તેમાં વધારો જોવા મળ્યો છે. 

મોર્ગન સ્ટેનલીના અનુસાર ફક્ત આગામી સાત વર્ષોમાં ભારતના જીડીપીમાં 3 ટ્રિલિયન ડોલરનો વધારો જોવા મળશે. રિપોર્ટ અનુસાર આજે જે ભારતનો જીડીપી છે ચીનમાં 2007 માં હતો. રિપોર્ટ અનુસાર ભારતના વર્કિંગ જનસંખ્યામાં સતત વધારો જોવા મળ્યો છે જે એ દર્શાવે છે કે લાંબી અવધિ સુધી ભારત વિકાસ કરતો રહેશે. 

રિપોર્ટમાં એ પણ કહેવામાં આવ્યું છે કે આગામી દાયકામાં ભારતનો જીડીપી સરેરાશ 6.5 ટકા રહેવાનો છે જ્યારે ચીનનો સરેરાશ જીડીપી 3.6 ટકા રહી શકે છે. રિપોર્ટ અનુસાર ભારત ઇંફ્રાસ્ટ્રક્ચર પર ખર્ચ સતત વધી રહ્યો છે સાથે જ આધારના લીધે ડિજિટલ ઇંફ્રાસ્ટ્રક્ચરનો ફાયદો પણ તેને મળવાનો છે. મોર્ગન સ્ટેનલીના અનુસાર ભારત ગ્લોબલ ગ્રોથને ડ્રાઇવ કરવાનો છે એવામાં મલ્ટીનેશનલ કંપનીઓની સાથે ગ્લોબલ ઇંવેસ્ટર્સ માટે રોકાણનો અહીં સારો અવસર છે.