એલન મસ્ક જલદી બનશે ટ્વિટરના નવા માલિક! ફાઇનલ થઇ ગઇ સવા ત્રણ લાખ કરોડ રૂપિયાની ડીલ

Twitter-Elon Musk Deal: અમેરિકન અરબપતિ અને ટેસ્લા કંપનીના માલિક એલન મસ્ક જલદી જ માઇક્રોબ્લોગિંગ ટ્વિટરના નવા માલિક બની શકે છે. મસ્કે ટ્વિટરના એક શેરના બદલામાં 54.20 ડોલર એટલે કે લગભગ 4152 રૂપિયા કેશની બોલી લગાવી હતી. રોયટર્સના રિપોર્ટ અનુસાર ટ્વિટરના બોર્ડે મસ્કની આ ઓફરને મંજૂર કરી દીધી છે. એલન મસ્ક અથવા ટ્વિટરે અત્યાર સુધી આ સોદાની સત્તાવાર પુષ્ટિ કરી નથી. 

સવા ત્રણ લાખ કરોડ રૂપિયાનો સોદો
ટ્વિટર કોઇપણ સમયે 43 બિલિયન ડોલર એટલે કે ભારતીય રૂપિયામાં લગભગ સવા ત્રણ લાખ કરોડ રૂપિયાના આ સોદાને લીલી ઝંડી બતાવી શકે છે. એલન મસ્ક પહેલાં જ કહી ચૂક્યા છે કે તેમણે ટ્વિટરરને ખરીદવા માટે 46.5 અરબ ડોલર ફંડિંગની વ્યવસ્થા કરી લીધી છે.