કોરોનાને લઈ ગુજરાત માટે ગંભીર સમાચાર, કેટલાક hotspots એડવાન્સ સ્ટેજમાં પહોંચ્યા

હિતલ પારેખ/ગાંધીનગર :ગુજરાતમાં કોરોના (Coronavirus) ને  કારણે સ્થિતિ દિવસેને દિવસે તંગ બની રહી છે. ગુજરાતમાં નવા કેસોનો આંકડો સતત વધી રહ્યો છે. ત્યારે ગુજરાત હજુ બીજા સ્ટેજમાં છે. પરંતુ ગુજરાત માટે સૌથી ચોંકાવનારા સમાચાર એ છે કે, ગુજરાતના હોટસ્પોટ વિસ્તારો stage 2ના એડવાન્સ સ્ટેજમાં પહોંચી ગયાં છે. ગુજરાતના આ હોટસ્પોટ વિસ્તારોમાં કોરોના કોમ્યુનિટી ટ્રાન્સફર થવાની દહેશત છે.  કોરોનાને લઈ ગુજરાત માટે ગંભીર સમાચાર એ છે કે, કેટલાક વિસ્તાર એડવાન્સ સ્ટેજમાં હોવાનું સામે આવ્યું છે. બીજા સ્ટેજથી એક કદમ આગળ કેટલાક વિસ્તાર હોટસ્પોટ વિસ્તારમાંથી આવતા કેસ એડવાન્સના આવે છે. હાલ ગુજરાતમાં 15 જેટલા કોરોનાના હોટસ્પોટ વિસ્તારો છે, જેમાં ગુજરાતના ચાર મોટા શહેરો છે. 

ગુજરાતમાં કુલ 15 હોટસ્પોટ વિસ્તાર છે. જેમાં અમદાવાદ, વડોદરા, રાજકોટ, સુરત અને ભાવનગર સામેલ છે. ગુજરાતમા હાલ કુલ 2272 કેસ કોવિડ 19ના છે, જે ગુજરાતના 28 જિલ્લાઓમાં છે. પરંતુ ગુજરાત માટે આ અતિગંભીર સમાચાર એ છે કે, હોટસ્પોટ કમ્યુનિટી ટ્રાન્સફર વધશે. અત્યાર સુધી ગુજરાત કોરોના કેસ મામલે બીજા સ્ટેજમાં હતું, હવે ત્રીજુ સ્ટેજ આવશે, જે ભયાનક કહેવાય છે. આરોગ્ય સચિવ જયંતી રવિએ પણ કહ્યું કે, 15તી વધુ હોટસ્પોટ વિસ્તારો હવે ત્રીજા સ્ટેજમાં પ્રવેશ કરશે. અહીથી મોટા પ્રમાણમાં કમ્યુનિટી ટ્રાન્સફર થતુ હોય છે. આવામાં મોટી સંખયામાં લોકો ગ્રસ્ત બનતા હોય છે. આંકડા પણ બતાવે છે કે જે રીતે દર્દીઓની સંખ્યા વધી છે, તેમાઁથી 50 ટકાથી વધુ કેસ હોટસ્પોટ વિસ્તારોમાંથી છે. આ વિસ્તારો માટે ડેન્જરસ કહી શકાય છે. જે સમગ્ર ગુજરાત માટે માઠા સમાચાર છે. 

તો બીજી તરફ, રાજ્ય સરકારનું આરોગ્ય વિભાગ પણ મૂંઝવણમાં હોય તેવુ લાગે છે. થોડા સમય પહેલા આરોગ્ય વિભાગ કહ્યું હતું કે, ગુજરાત રાજ્યમાં 5000 ટેસ્ટીંગની કેપેસિટી વિકસાવાય તેવુ પ્લાનિંગ ચાલી રહ્યું છે. પરંતુ હાલ 3000 ટેસ્ટીંગની કેપેસિટી બતાવે છે. આ પહેલા 4100થી વધુ ટેસ્ટીંગ કરાયા હતા. ત્યારે હવે ટેસ્ટીંગમાં ઘટાડો થયો હોવાની વાત સામે આવી છે. તો બીજી તરફ, હોટસ્પોટમાં ટેસ્ટીંગ વધ્યા તેથી નવા કેસ સામે આવ્યા છે. તો આ સાથે જ નવા કેસમાં 80 ટકા દર્દી કોરોનાના લક્ષણો વગરના છે. ટેસ્ટીંગ ઓછા કરાશે તો લક્ષણ વગરના દર્દી સામે નહિ આવે. આમ સાયલન્ટલી કોરોના આગળ વધશે. આમ, આરોગ્ય વિભાગ ટેસ્ટીંગ વધારવાને બદલે ઘટાડવાની વાત કરી રહ્યું છે. હાલ કોરોનાના અસરગ્રસ્ત વિસ્તારોમાં જે સંપૂર્ણ ગુજરાતનું જે ચિત્ર છે તે હોટસ્પોટમાંથી આવે છે.