Do You Know: એક જ છોડમાંથી બને છે ભાંગ, ગાંજો અને ચરસ, જાણો શું છે ત્રણમાં તફાવત?

Side Effect Bhang Ganja and Charas: ઘણીવાર તમે ભાંગ, ગાંજા અને ચરસ વિશે સાંભળતા હશો. તેના સમાચાર મીડિયામાં પણ પ્રકાશિત થતા રહે છે. પરંતુ, શું તમે ક્યારેય વિચાર્યું છે કે એક જ છોડમાંથી આવતા ગાંજા, ભાંગ અને ચરસ વચ્ચે શું તફાવત છે? શક્ય છે કે તમારામાંથી કેટલાકને તેની જાણ હોય, જ્યારે કેટલાકને તેનાથી અજાણ હોય. તો આજે અમે તમને જણાવીશું કે એક જ છોડમાંથી આવતી આ ત્રણ વસ્તુઓમાં શું તફાવત છે?

ખરેખર, ભારતમાં ઉગતા કેનાબીસ (Cannabis) એટલે કે ભાંગના છોડનું વૈજ્ઞાનિક નામ કેનાબીસ ઇન્ડિકા છે. ઘણીવાર લોકો તેને ભાંગ અથવા ગાંજાનો છોડ કહે છે. આ છોડની સૂકી કળીઓને ગાંજા કહેવામાં આવે છે, જે સંસ્કૃત શબ્દ છે. લોકો આ સૂકી કળીઓને પાઇપ કે સિગારેટમાં ભરીને પીવે છે. જો કે ગાંજાને અંગ્રેજીમાં વીડ (Weed) અને પોટ (Pot) નામથી પણ ઓળખવામાં આવે છે. તો બીજી તરફ ભાંગના ફૂલોને હાથ પર ઘસ્યા પછી જે કાળું પડ બને છે તેને ચરસ કહેવામાં આવે છે.

એક છોડ...ત્રણ વસ્તુઓ
ભારત, નેપાળ, લેબનોન અને પાકિસ્તાન જેવા દેશોમાં ચરસ અથવા હશીશને હાથથી ઘસીને તૈયાર કરવામાં આવે છે. એવું કહેવાય છે કે ફૂલોને ઘસવાની ઝડપ જેટલી ઓછી હોય છે, તેટલી જ સારી હશીશની ગુણવત્તા. તો બીજી તરફ પાંદડાઓને ભાંગ કહેવામાં આવે છે. જ્યારે વાટેલા પાંદડાને કોઈપણ વસ્તુ સાથે મિશ્રિત કરવામાં આવે છે, ત્યારે તેને ભાંગ કહેવામાં આવે છે. ભાંગના પાન થંડાઈમાં ઉમેરવામાં આવે છે. 

આ ઉપરાંત ભાંગનો ઉપયોગ જલેબી, હલવો અને પકોડામાં પણ થાય છે. તમને જણાવી દઈએ કે ભાંગના છોડનો ઉપયોગ અનેક પ્રકારની દવાઓમાં પણ થાય છે. જો કે, ઘણા દેશોમાં તેના પર પ્રતિબંધ છે. જ્યારે, ઘણા દેશોમાં ભાંગ પરથી પ્રતિબંધ હટાવી લેવામાં આવ્યો છે. તો આજે તમે સમજી જ ગયા હશો કે એક જ છોડમાંથી નિકળતા ભાંગ, ગાંજા અને ચરસમાં શું તફાવત છે?

ગાંજો રાખશો તો થશે જેલ
જોકે ગાંજાની ખેતી કરવી, તેને રાખવું, તેનું વેચાણ કરવું અને તેનું સેવન કરવું એ ગુનાની શ્રેણીમાં આવે છે. જો તમે આમાંથી કોઈ કરો છો તો તમારે જેલમાં જવું પડી શકે છે. આવા કિસ્સાઓમાં નાર્કોટિક ડ્રગ્સ એન્ડ સાયકોટ્રોપિક સબસ્ટન્સ એક્ટ (NDPS) હેઠળ કાર્યવાહી કરવામાં આવે છે. જેમાં અલગ-અલગ ગુના માટે અલગ-અલગ સજાની જોગવાઈ છે.

ઓછી માત્રામાં રાખવા માટે પણ સજા
હવે વાત કરીએ ગાંજો રાખવા બદલ કેટલી સજા થઈ શકે છે. જો તમે 20 કિલો ગાંજો રાખ્યો છે, તો એવું માનવામાં આવશે કે તમે તેનો વ્યવસાયિક ઉપયોગ કરી રહ્યા છો, આ માટે તમારે 10 વર્ષ સુધીની જેલ અને 1 લાખ રૂપિયાનો દંડ ભરવો પડી શકે છે. ઓછી માત્રામાં ગાંજા સાથે મળી આવનાર વ્યક્તિને 6 મહિનાથી લઈને એક વર્ષ સુધીની જેલની સજા થઈ શકે છે. સાથે જ 10,000 રૂપિયા સુધીનો દંડ પણ થઈ શકે છે. આવા કેસમાં જામીન પણ સરળતાથી મળતા નથી.