હેં...લોકસભા ચૂંટણીમાં વોટ નહી આપનારના ખાતામાંથી કપાઇ જશે 350 રૂપિયા, જાણો શું છે સચ્ચાઇ?

PIB Fact Check: દેશમાં આવતા વર્ષે લોકસભાની ચૂંટણી યોજાવાની છે. જ્યાં રાજકીય પક્ષો તેની તૈયારીમાં વ્યસ્ત છે. આ અંગે એક સમાચાર પત્રનું કટિંગ સોશિયલ મીડિયા પર વાયરલ થઈ રહ્યું છે. અખબારના કટિંગમાં દાવો કરવામાં આવી રહ્યો છે કે જો તમે લોકસભા ચૂંટણીમાં વોટ નહીં આપો તો તમારા બેંક ખાતામાંથી 350 રૂપિયા કપાશે.

શું કહેવામાં આવ્યું છે વાયરલ ફેક ન્યૂઝમાં?
આ વાયરલ ફેક ન્યૂઝમાં એવું કહેવામાં આવ્યું છે કે જે લોકો મતદાન નહીં કરે તેમની ઓળખ આધાર કાર્ડ દ્વારા કરવામાં આવશે અને તે કાર્ડ સાથે જોડાયેલા તેમના બેંક ખાતામાંથી 350 રૂપિયા કાપવામાં આવશે.

क्या लोकसभा चुनाव में मतदान नहीं किए जाने पर बैंक अकाउंट से कटेंगे 350 रुपए❓

जानें वायरल ख़बर की सच्चाई❕#PIBFactCheck:

🔶 यह ख़बर #फ़र्ज़ी है।

🔶 @ECISVEEP ने ऐसा कोई निर्णय नहीं लिया है।

🔶 जिम्मेदार नागरिक बनें, मतदान अवश्य करें!!

🔗 https://t.co/8EwXdkIPlF pic.twitter.com/ikFLUndfCh

— PIB Fact Check (@PIBFactCheck) September 15, 2023

ફેક ન્યૂઝમાં એવું પણ કહેવામાં આવ્યું હતું કે જે મતદારોના બેંક ખાતામાં 350 રૂપિયા નથી અથવા તો બેંક ખાતું બિલકુલ નથી, તો તેમની પાસેથી આ પૈસા મોબાઇલ ફોનના રિચાર્જ વખતે કાપી લેવામાં આવશે. આ માટે મિનિમમ 350 રૂપિયાનું રિચાર્જ કરવું પડશે અને તેનાથી ઓછા રિચાર્જ થશે નહી. સમાચારમાં એવું પણ કહેવામાં આવ્યું હતું કે કમિશનના નિર્ણય માટે કોર્ટમાં પિટિશન દાખલ કરી શકાશે નહીં કારણ કે કમિશને પહેલાથી જ કોર્ટની મંજૂરી લઈ લીધી છે.

શું છે આ ફેક ન્યૂઝનું સત્ય?
આ સમાચાર ચાર વર્ષ પહેલા હોળીના અવસર પર એક અખબારે રમૂજી રીતે પ્રકાશિત કર્યા હતા. આ સમાચારની નીચે સ્પષ્ટ શબ્દોમાં લખવામાં આવ્યું હતું કે, બુરા ન માનો હોલી હૈ લખ્યું હતું. આ પેજની નીચે પણ લખ્યું હતું કે 'આ પેજના તમામ સમાચાર કાલ્પનિક છે,' પરંતુ તેને કાપીને ફેક ન્યૂઝને વાયરલ કરવામાં આવી રહ્યા છે. 

પીઆઈબી ફેક્ટ ચેકે આ વાયરલ કટિંગ ટ્વિટર પર શેર કર્યું છે અને કહ્યું છે કે આ ફેક ન્યૂઝ છે.