Government Job: કેન્દ્ર સરકારમાં તગડા પગારવાળી નોકરીની તક! 10 પાસ પણ કરી શકશે અરજી

Recruitment 2023: સરકારી નોકરી કોને ન ગમે...દરેક લોકો આજે સરકારી નોકરીનું સપનું જોતા હોય છે. એવું પણ કહેવાય છેકે, જેને પણ એકવાર સરકારી નોકરી મળી જાય એનું આખુંય ઘર તરી જાય છે. ત્યારે સરકારી નોકરીની રાહ જોઈને બેસેલાં યુવાઓ માટે મોટા સમાચાર છે. નોકરીની તલાશમાં દોડધામ કરતા યુવાનો માટે મોટી ખુશખબર છે. કેન્દ્ર સરકાર દ્વારા આ વિભાગમાં મોટા પાયે ભરતી કરવાની તૈયારીઓ થઈ ચુકી છે.

સ્ટાફ સિલેકશન કમિશન (SSC) દ્વારા CRPF માં જનરલ ડ્યુટી માટે ગ્રુપ 'C' નોન-ગેઝેટેડ, (નોન-મિનિસ્ટ્રીયલ ફાઇટર) પોસ્ટ હેઠળ કોન્સ્ટેબલ (જનરલ ડ્યુટી) ની 1.30 લાખ જગ્યાઓ પર ભરતી કરવામાં આવશે. જેના માટે ટૂંક સમયમાં સત્તાવાર વેબસાઇટ પર સૂચના જારી કરવામાં આવશે. સૂચના જાહેર થયા પછી, તમે rect.crpf.gov.in અથવા ssc.nic.in પર ઑનલાઇન અરજી કરી શકશો.

ANI ના છેલ્લા મહિનામાં એક સમાચારમાં દાવો કરવામાં આવ્યો હતો કે CRPF કોન્સ્ટેબલોની ભરતી કમિશન વતી 1.30 લાખ પોસ્ટ માટે કરવામાં આવશે. જેમાં પુરૂષો માટે 125262 અને મહિલા ઉમેદવારોની 4667 જગ્યાઓ ખાલી રહેશે. જો કે, આ ભરતીનું નોટિફિકેશન હજુ બહાર પાડવામાં આવ્યું નથી. જેના કારણે યુવાનોની રાહ વધી રહી છે.

જાણકારી અનુસાર, કમિશન તરફથી નોટિફિકેશન ઓગસ્ટમાં સત્તાવાર વેબસાઇટ પર જારી કરવામાં આવી શકે છે. જોકે, આયોગ દ્વારા હજુ સુધી નોટિફિકેશન અંગે કોઈ નિશ્ચિત તારીખ જાહેર કરવામાં આવી નથી.

પગાર-
પસંદ કરેલ ઉમેદવારોને લેવલ-3 પે મેટ્રિક્સમાં રૂ.ના પગાર ધોરણ સાથે ચૂકવવામાં આવશે. આ હિસાબે તેમને 21700-69100 વચ્ચે પગાર મળશે.

શૈક્ષણિક લાયકાત-
તે તમામ ઉમેદવારો કે જેમણે કોઈપણ માન્ય બોર્ડમાંથી 10મું પાસ કર્યું છે તેઓ ભરતી માટે અરજી કરી શકશે.

ઉંમર-
ઉમેદવારોની ઉંમર 18 થી 25 વર્ષની હોવી જોઈએ. જો કે, અનામત વર્ગના ઉમેદવારોને પણ વય મર્યાદામાં છૂટછાટ આપવામાં આવશે.

આ રીતે અરજી કરી શકશે-
સૌ પ્રથમ ઉમેદવારોએ સત્તાવાર વેબસાઇટ પર જવું પડશે.
તે પછી ભરતી લિંક પર ક્લિક કરો.
વ્યક્તિગત વિગતો દાખલ કરો અને સબમિટ કરો.
CRPF ફોર્મ ભરવાનું રહેશે અને દસ્તાવેજો અપલોડ કરીને સબમિટ કરવાના રહેશે.
આ પછી ફી જમા કરવાની રહેશે.
આ પછી, ફોર્મની એક નકલ ડાઉનલોડ કરો અને તેને તમારી પાસે રાખો.