અરબી સમુદ્રમાં બનશે ચક્રવાતી તોફાન! પવનની પેટર્ન બદલાશે, ગુજરાત સહિત આ રાજ્યોમાં ગાજવીજ સાથે વરસાદ

વેસ્ટર્ન ડિસ્ટર્બન્સના પ્રભાવ હેઠળ 5 અને 9 ફેબ્રુઆરીએ ગુજરાત સહિત હિમાચલ પ્રદેશ, ઉત્તરાખંડ અને જમ્મુ-કાશ્મીરના ઉપરના વિસ્તારોમાં હળવોથી મધ્યમ વરસાદ અને હિમવર્ષા થઈ શકે છે. ઉત્તર ભારતમાંથી હવે શિયાળાની વિદાય થવા જઈ રહી છે. ગુજરાતમાં શિયાળો વિદાય તરફ આગળ વધી રહ્યો છે પરંતુ અત્યારે ઠંડીનો ચમકારો યથાવત રહ્યો છે. આગામી 24 કલાકમાં રાજ્યના તાપમાનમાં કોઈ ફેરફાર નહીં થાય અને ત્યારબાદ તાપમાનમાં 2-3 ડિગ્રી જેટલું તાપમાન ઘટવાની શક્યાત હવામાન વિભાગે કરી છે. એટલે 24 કલાક બાદ રાજ્યમાં ઠંડીનું જોર વધશે.

ઉત્તર ભારત અને ઉત્તર-પૂર્વના રાજ્યો માટે વરસાદની ચેતવણી જાહેર કરી છે. આગામી થોડા દિવસોમાં ઉત્તર-પશ્ચિમ ભારતના ઘણા વિસ્તારોમાં વરસાદ અને હિમવર્ષા થવાની સંભાવના છે. જ્યારે, 6 અને 7 ફેબ્રુઆરીએ પૂર્વોત્તર રાજ્યોમાં ભારે વરસાદ અને ગાજવીજ સાથે તોફાન આવી શકે છે. વેસ્ટર્ન ડિસ્ટર્બન્સના પ્રભાવ હેઠળ હિમાચલ પ્રદેશ, ઉત્તરાખંડ અને જમ્મુ-કાશ્મીરના ઉપરના વિસ્તારોમાં હળવોથી મધ્યમ વરસાદ અને હિમવર્ષા થઈ શકે છે. તેમજ પંજાબ, હરિયાણા, ઉત્તર પ્રદેશ, રાજસ્થાન અને મધ્યપ્રદેશના કેટલાક વિસ્તારોમાં હળવો વરસાદ અને વીજળી પડવાની સંભાવના છે.

ફેબ્રુઆરી શરૂ થતાં જ દેશભરમાં હવામાનની પેટર્ન બદલાતી જોવા મળી રહી છે. ઉત્તર ભારતના ઘણા રાજ્યોમાં વરસાદની સંભાવના છે. ભરશિયાળે વરસાદી માહોલ છવાયો છે. ત્યારે ગુજરાતમાં પણ કમોસમી માવઠાનું આગમન થઈ ગયુ છે. અરુણાચલ પ્રદેશ, આસામ અને મેઘાલયમાં 6 અને 7 ફેબ્રુઆરીએ ભારે વરસાદ અને તોફાન આવી શકે છે. ખાસ કરીને અરુણાચલ પ્રદેશમાં 7 ફેબ્રુઆરીએ ભારે વરસાદની ચેતવણી આપવામાં આવી છે.

અંબાલાલ પટેલે જે રીતે કમોસમી વરસાદ અને માવઠા ની આગાહી કરી છે તે જોતા આકાશમાં કાળા ડિબાંગ વાદળો જોવા મળી રહ્યો છે. જે જોતા ગમે ત્યારે વરસાદી માવઠું કે કરા પડે તેવી સંભાવનાઓ સેવાઈ રહી છે. હાલ અંબાજી દાંત પંથકમાં મહત્તમ રાયડો અને ઘઉંનું વાવેતર મોટી માત્રામાં થયેલું છે. એટલું જ નહિ, ઘઉંની ઉંબીઓ પણ પૂર્ણતાની આરે પહોંચી છે. તો રાયડો પણ લચવા લાગ્યો છે ત્યારે આકાશમાં ઘેરાયેલા વાદળો જોઈ ખેડૂતોની ચિંતામાં વધારો કર્યો છે. 

ફેબ્રુઆરી માસમાં પણ કમોસમી વરસાદની શક્યતા છે. આગામી સાત દિવસ વાતાવરણ શુષ્ક રહેશે. હાલ સાયક્લોનિક સર્કયુલેશન સિસ્ટમને લઈને અમદાવાદમાં વાદળછાયું વાતાવરણ છવાયું છે. અમદાવાદ લઘુત્તમ 17 ડિગ્રી તાપમાન નોંધાયું છે. તો વાતાવરણમાં 2-4 ડિગ્રી ઘટશે. ફેબ્રુઆરી મહિનામાં લધુત્તમ મહત્તમ તાપમાન સામાન્ય કરતાં વધારે રહેશે. ફેબ્રુઆરી મહિનામાં સૌરાષ્ટ્ર અને કચ્છમાં કેટલાક જિલ્લામાં છુટા છવાયા હળવા વરસાદની આગાહી છે.   

દક્ષિણ સૌરાષ્ટ્ર અને દક્ષિણ ગુજરાતમાં વાદળવાયુ રહી શકે છે. 5 થી 7 ફેબ્રુઆરીમાં રાજ્યમાં ઠંડી રહી શકે છે. આ સમયે ઉત્તર ગુજરાતમાં લઘુત્તમ તાપમાન 12 ડિગ્રીથી નીચે જવાની શક્યતા છે. અમદાવાદ અને ગાંધીનગરમાં પણ તાપમાન 13 ડિગ્રી આસપાસ રહેવાની શક્યતા છે. બદલાતા વાતાવરણની સાથે અંબાલાલ પટેલે ગુજરાતના નાગરિકોને ચેતવણી પણ આપી છે.

આ દિવસોમાં સવારે હિમાયળું હવામાન રહેશે. 9 થી 11 ફેબ્રુઆરીમાં ફરી હવામાન પલટાય તેવી શક્યતા છે. 11 અને 12 ફરી ઉત્તર ભારતમાં હિમવર્ષા રહેતા સવારે ઠંડી રહેશે. તો 19 ફેબ્રુઆરીથી ગરમીની શક્યતા દેખાઈ રહી છે. 19 ફેબ્રુઆરીથી 14 એપ્રિલ સુધી રોગીસ્ટ હવામાન રહેશે, જેથી લોકોએ સાવચેતી રાખવી જરૂરી છે. 23 થી ફેબ્રુઆરીના અંત સુધીમાં વાદળવાયુ અને કમોસમી વરસાદના એંધાણ છે.    

ગુજરાતમાં ફેબ્રુઆરી મહિનો શરૂ થયો છે આ મહિનામાં શિયાળો લગભગ વિદાય લેતો હોય છે. જોકે, ગુજરાતમાં અત્યારે ઠંડનો નવો રાઉન્ડ શરૂ થયો છે. થોડા દિવસની રાહત બાદ ઠંડીને ફરી જોર પકડ્યું છે. ઠંડા પવનો ફૂંકાવાના કારણે રાજ્યમાં ફરીથી કાતિલ ઠંડીનું મોજું ફરી વળ્યું છે. રાજ્યમાં મોટાભાગના વિસ્તારોમાં 14-15 ડિગ્રીની આસપાસ લઘુતમ તાપમાન નોંધાયું છે. આગામી 24 કલાકમાં હજી પણ બે ત્રણ ડિગ્રી જેટલું તાપમાન ઘટવાની ધારણા હવામાન વિભાગે કરી છે.  

અમદાવાદ અને ગાંધીનગરમાં પણ કડકડતી ઠંડીનો અહેસાસ થઈ રહ્યો છે. અત્યારે કાતિલ ઠંડીનું મોજું ગુજરાતમાં ફરી વળ્યું છે ત્યારે મંગળવારે અમદાવાદમાં 17.4 ડિગ્રી લઘુતમ તાપમાન રહ્યું હતું. જ્યારે ગાંધીનગરમાં 16.5 ડિગ્રી લઘુતમ તાપમાન નોંધાયું હતું. જોકે, બપોરના સમયે ગરમીનો અહેસાસ થઈ રહ્યો છે.

દિલ્હી અને યુપી, બિહાર અને રાજસ્થાન સહિત ઘણા રાજ્યોમાં ઠંડી પાછી ફરી હોય તેવું લાગે છે. હવામાન વિભાગે આગામી 2 દિવસમાં ઉત્તર-પશ્ચિમ ભારતમાં લઘુત્તમ તાપમાનમાં કામચલાઉ વધારો થવાની આગાહી કરી છે. આ પછી આગામી 3 દિવસમાં તાપમાનમાં ધીમે ધીમે 2-3 ડિગ્રીનો ઘટાડો થઈ શકે છે.