આ સપ્તાહે IPO માર્કેટમાં મોટી હલચલ, બે કંપનીના ઈશ્યુ થશે ઓપન, જાણો દરેક વિગત

આગામી સપ્તાહે શેર બજારમાં ઈન્વેસ્ટરોને ઘણી સારી તક મળવાની છે. બે નવી કંપનીઓ પોતાના આઈપીઓ લાવી રહી છે, જ્યારે કુલ 10 કંપનીઓ માર્કેટમાં લિસ્ટ થવાની છા. આ બંને નવા IPO SME સેગમેન્ટ હેઠળ રજૂ કરાશે. તો મેનબોર્ડ સેગમેન્ટમાં Quality Power, Ajax Engineering અને Hexaware Technologies નું લિસ્ટિંગ થશે.   

HP ટેલીકોમ ઈન્ડિયાનો આઈપીઓ 20 ફેબ્રુઆરીએ ઈન્વેસ્ટરો માટે ખુલશે. કંપનીએ તે માટે 108 રૂપિયા પ્રતિ શેરની કિંમત નક્કી કરી છે. આ સંપૂર્ણ રીતે ફ્રેશ ઈક્વિટી સેલ હશે, જેમાં 34.23 કરોડ રૂપિયાના શેર જારી કરવામાં આવશે. મહત્વનું છે કે HP ટેલીકોમ ઈન્ડિયા Apple ની પ્રોડક્ટ્સની એક્સક્લુસિવ ડિસ્ટ્રીબ્યુટર ચે. તે મધ્યપ્રદેશ, છત્તીસગઢ, ઉત્તર પ્રદેશના કેટલાક શહેરો અને ગુજરાતના શહેરી વિસ્તારમાં iPhone, iPad, Mac, Apple Watch જેવી પ્રોડક્ટ્સનું વેચાણ કરે છે. આ સિવાય કંપની અન્ય બ્રાન્ડ્સની કેટલીક પ્રોડક્ટ પણ વેચે છે.

ઈન્ટરએક્ટિવ ફાઈનાન્શિયલ સર્વિસ આ આઈપીઓનો બુક-રનિંગ લીડ મેનેજર છે અને Bigshare Services  તેના રજીસ્ટ્રાર છે. HP ટેલીકોમના શેર NSE SME પ્લેટફોર્મ પર લિસ્ટ થશે.   

Beezaasan Explotech પણ આ સપ્તાહે પોતાના 60 કરોડ રૂપિયાના આઈપીઓ સાથે માર્કેટમાં એન્ટ્રી કરવાની છે. આ આઈપીઓની પ્રાઇસ બેન્ડ 165-175 રૂપિયા પ્રતિ શેર રાખવામાં આવી છે. કંપની આ ઈશ્યુ હેઠળ 34.24 લાખ નવા શેર જાહેર કરશે અને તેમાં કોઈ OFS હશે નહીં. રિટેલ ઈન્વેસ્ટરો આ આઈપીઓમાં ઓછામાં ઓછા 800 શેરના લોટ માટે બોલી લગાવી શકશે. આઈપીઓથી મળેલી રકમનો ઉપયોગ કંપની મેન્યુફેક્ચરિંગ યુનિટના વિસ્તાર, નવા પ્લાન્ટ અને મશીનરીની ખરીદી, લોન ચુકવણી અને સામાન્ય કોર્પોરેટ કામો માટે કરશે. 

તમને જણાવી દઈએ કે બીઝાસન એક્સપ્લોટેક વિસ્ફોટક અને વિસ્ફોટક ઉપકરણોના ઉત્પાદનમાં કામ કરે છે. તે મુખ્યત્વે કારતૂસ વિસ્ફોટકો, સ્લરી વિસ્ફોટકો, ઇમલ્શન વિસ્ફોટકો અને વિસ્ફોટક વિસ્ફોટકોનું ઉત્પાદન કરે છે. તેનો ઉપયોગ સિમેન્ટ, ખાણકામ અને સંરક્ષણ ઉદ્યોગોમાં થાય છે. કંપનીનું મુખ્ય ધ્યાન ઉચ્ચ ગુણવત્તાવાળા કારતૂસ વિસ્ફોટકોના ઉત્પાદન પર છે.