સફેદ ડાઘ, પીળા નખ કે કાળી રેખાઓ? જાણો કઈ રીતે તમારા નખ આપે છે શરીરની મોટી બીમારીઓનો સંકેત

જો તમારા નખ પર નાના-નાના સફેદ ડાઘ જોવા મળી રહ્યાં હોય તો તે કેલ્શિયમની કમીને દર્શાવે છે. આ સમસ્યા સામાન્ય રીતે ખોટા ખાન-પાન, પોષણની કમી કે ઈજાને કારણે હોઈ શકે છે. જો આ ડાઘ સતત વધી રહ્યાં છે તો ડોક્ટરની સલાહ લેવી જરૂરી છે.

 

નખ પીળા પળે તો સામાન્ય રીતે ફંગલ ઈન્ફેક્શનનો સંકેત હોય છે. આ સમસ્યા સામાન્ય રીતે તે લોકોમાં જોવા મળે છે જે ભેજમાં વધુ સમય પસાર કરે છે. આ સિવાય લિવરની બીમારી, થાયરોઇડની સમસ્યા કે ડાયાબિટીસને કારણે પણ નખ પીળા પડી શકે છે.

જો તમારા નખમાં કાળી કે ભૂરી રેખાઓ જોવા મળી રહી છે તો ચેતી જજો. તે મેલાનોમા (સ્કિન કેન્સર), હાર્ટની બીમારી કે બ્લડ ક્લોટિંગ જેવી ગંભીર બીમારીનો સંકેત હોઈ શકે છે. જો આ રેખાઓ ધીમે-ધીમે ફેલાઈ રહી છે તો તત્કાલ ડોક્ટરનો સંપર્ક કરો.

જો તમારા નખ સંપૂર્ણ રીતે સફેદ જોવા મળી રહ્યાં છે તો તે એનીમિયા (લોહીની ઉણપ), લિવરની બીમારી કે કિડનીની સમસ્યાનો સંકેત હોઈ શકે છે. તે શરીરમાં ઓક્સીજનની કમીને પણ દર્શાવે છે. 

જો નખ વારંવાર તૂટી રહ્યાં છે કે તેમાં તિરાડો પડી રહી છે તો તે થાયરોઇડ, વિટામિન-બીની કમી કે ડિહાઇડ્રેશનનો સંકેત હોઈ શકે છે. આ સમસ્યાથી બચવા માટે પ્રોટીન અને બાયોટિનથી ભરપૂર ભોજનનું સેવન કરો.