Yogini Ekadashi 2023: યોગિની એકાદશી પર કરેલા આ કામ ભગવાન વિષ્ણુને કરે છે પ્રસન્ન, ઘરમાં વધે છે સુખ-સમૃદ્ધિ

Yogini Ekadashi 2023: દર વર્ષે અષાઢ મહિનાના કૃષ્ણ પક્ષમાં આવતી એકાદશીની તિથિને યોગિની એકાદશી કહેવામાં આવે છે. આ દિવસે એકાદશીનું વ્રત રાખવાથી વિશેષ ફળ પ્રાપ્ત થાય છે. આ વર્ષે યોગીની એકાદશી 14 જુને ઉજવાશે. યોગિની એકાદશી જગતનું પાલન કરનાર શ્રી હરિ એટલે કે ભગવાન વિષ્ણુની પૂજા અર્ચના માટેનો વિશેષ દિવસ છે. આ દિવસે વ્રત કરવાથી અને ભગવાન વિષ્ણુની પૂજા કરવાથી વિશેષ ફળ પ્રાપ્ત થાય છે.

યોગિની એકાદશી પર ભગવાન વિષ્ણુની પૂજા અર્ચના કરવાથી અક્ષય પુણ્ય ફળ પ્રાપ્ત થાય છે. કહેવાય છે કે આ એકાદશીનું વ્રત કરનાર વ્યક્તિને મૃત્યુ પછી વૈકુંઠ પ્રાપ્ત થાય છે. એટલે કે તેને મોક્ષ મળી જાય છે. 

આ પણ વાંચો: 

યોગિની એકાદશી શુભ મુહૂર્ત

એકાદશી તિથિ 13 જૂને સવારે 09:28 કલાકે શરૂ થશે અને એકાદશીનું સમાપન 14 જૂને સવારે 08:28 મિનિટે થશે. યોગિની એકાદશી વ્રત ઉદિયા તિથિ અનુસાર 14 જૂન અને બુધવારે રાખવામાં આવશે. વ્રતના પારણા 15 જૂન અને ગુરુવારે કરવાના રહેશે.

યોગિની એકાદશીના ઉપાય

- શાસ્ત્રો અનુસાર યોગિની એકાદશી ભગવાન વિષ્ણુની આરાધના કરવાનો દિવસ છે. આ દિવસે વ્રત કરી તેમના નામનો જપ કરવાથી પાપથી મુક્તિ મળે છે. 

- આ દિવસે વ્રત કરનાર વ્યક્તિએ પ્રવાહી આહાર જ ગ્રહણ કરવો જોઈએ. સાથે જ ક્રોધ પર કાબુ રાખવો.

- યોગિની એકાદશીનું વ્રત કરનાર વ્યક્તિએ કોઈ માટે અપશબ્દ બોલવા કે અપમાનજનક વાત કરવી જોઈએ નહીં. આ દિવસે ભગવાન વિષ્ણુના મંત્ર જાપ અને શિવજીની આરાધના કરવી. 

- યોગિની એકાદશીના દિવસે શક્ય હોય તેટલા વધારે "ઓમ નમો ભગવતે વાસુદેવાય નમઃ " મંત્રનો જાપ કરવો. સાથે જ વિષ્ણુ ચાલીસા અને વિષ્ણુ સહસ્ત્ર નામનો પાઠ પણ કરી શકાય છે. 

- યોગિની એકાદશીનું વ્રતના કરનાર વ્યક્તિએ યોગિની એકાદશીની વ્રત કથા અચૂક સાંભળવી અથવા તો વાંચવી.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)