તમારો ફોન તો રેકોર્ડ નથી થઈ રહ્યો ને, આ રીતે કરો ચેક : સ્માર્ટફોનમાં વૉઇસ કૉલ રેકોર્ડની હોય છે ઇનબિલ્ટ સુવિધા

નવી દિલ્હીઃ આજના સમયમાં કોલ રેકોર્ડિંગ ફીચર ખૂબ જ સામાન્ય થઈ ગયું છે, જ્યારે એન્ડ્રોઈડ સ્માર્ટફોનની વાત કરીએ તો તેમાં તે ખૂબ જ સરળતાથી ઉપલબ્ધ છે. જો કે, ઘણી કંપનીઓ પહેલાંથી જ તેમના સ્માર્ટફોનમાં વૉઇસ કૉલ રેકોર્ડ કરવાની ઇનબિલ્ટ સુવિધા પ્રદાન કરે છે. બીજી તરફ એન્ડ્રોઇડ સ્માર્ટફોન કે જેમાં આ ફીચર નથી, ગૂગલ પ્લે સ્ટોર પર આવી ઘણી એપ્સ ઉપલબ્ધ છે જે વોઇસ કોલ રેકોર્ડ કરવાની મંજૂરી આપે છે. અહીં અમે તમને જણાવી રહ્યા છીએ કે કેવી રીતે ઓળખી શકશો કે તમારો કોલ રેકોર્ડ થઈ રહ્યો છે.

સૌ પ્રથમ, એ નોંધવું જોઈએ કે કોઈની પરવાનગી વિના કોલ રેકોર્ડ કરવું એ ચોરીનો એક પ્રકાર છે. તે વ્યક્તિની પરવાનગી વિના કોઈપણ વ્યક્તિની વાતચીતને રેકોર્ડ કરવી બંધારણની કલમ 21 વિરુદ્ધ છે. એટલે કે દરેક વ્યક્તિની ગોપનીયતાનું સન્માન કરવું જોઈએ. દેશની સર્વોચ્ચ અદાલતના નિર્ણય અનુસાર બંધારણની કલમ 21 હેઠળ જીવનના મૂળભૂત અધિકારોમાં ગોપનીયતાનો અધિકાર એ દરેક વ્યક્તિના જીવનનો અભિન્ન ભાગ છે. એટલે કે કોઈપણ વ્યક્તિના અંગત કોલને રેકોર્ડ કરવું એ પ્રાઈવસીના અધિકારનો ભંગ છે.

આ પણ વાંચોઃ આ સ્કૂટર સ્ટેન્ડ વગર ઊભું રહી શકે છે અને જાતે જ પાર્ક થઈ શકે છે, જાણો તેની ખાસિયત

ધારો કે જો કોઈ વ્યક્તિ કોઈની સાથે ખાનગીમાં વાત કરી રહ્યું છે અને તે દરમિયાન કોલ રેકોર્ડ થઈ રહ્યો છે, તો આવી સ્થિતિમાં તેના માટે મોટી સમસ્યા ઊભી થઈ શકે છે. આવી સ્થિતિમાં ફોન કરતી વખતે તમારે એ વાતનું પણ ધ્યાન રાખવું જોઈએ કે તમારો કોલ રેકોર્ડ તો નથી થઈ રહ્યો અને જો કોઈ સમસ્યા છે તો તમારે સમજી લેવું જોઈએ. જો વોઈસ કોલ દરમિયાન તમને લાગે કે દર થોડીક સેકન્ડ કે મિનિટે બીપ આવી રહી છે, તો તમારે સમજવું જોઈએ કે કોલ રેકોર્ડ થઈ રહ્યો છે.

કૉલ રેકોર્ડ થઈ રહ્યો છે કે નહીં તે ઓળખવાની આ સૌથી સરળ રીત છે. વૉઇસ કૉલની શરૂઆતમાં અથવા જ્યારે વચ્ચે બીપ અવાજ આવે ત્યારે કૉલ રેકોર્ડિંગની શક્યતા હંમેશા રહે છે. કૉલ રેકોર્ડ થઈ રહ્યો છે કે નહીં તે ઓળખવાની બીજી રીત એ છે કે તમે કોઈને કૉલ કર્યો છે અને તેણે તમારો કૉલ સ્પીકર પર મૂક્યો છે, તો સમજવું જોઈએ કે તમારો કૉલ રેકોર્ડ થઈ રહ્યો છે. તમને જણાવી દઈએ કે સૌથી સહેલો રસ્તો એ છે કે વોઈસ કોલને સ્પીકર પર રાખીને રેકોર્ડ કરવો. આમાં શું થાય છે કે કોલ દરમિયાન રેકોર્ડર અથવા અન્ય ફોન નજીકમાં રાખીને કોલ રેકોર્ડ કરી શકાય છે. આવી સ્થિતિમાં, જો તમને વિશ્વાસ ન હોય તે વ્યક્તિ તમારી સાથે સ્પીકર પર વાત કરી રહી છે, તો તમારે ધ્યાન રાખવું જોઈએ કે તમારો કૉલ રેકોર્ડ થઈ શકે છે.

આ પણ વાંચોઃ પત્ની કે પોલીસના હાથમાં આવી ગઈ તો ટલ્લી થવાનું છોડી દેવું પડશે, આ ઘડિયાળે ભારે કરી

બીજી તરફ, જો તમે કોઈ વ્યક્તિને કૉલ કર્યો હોય અને તે દરમિયાન તમને અલગ-અલગ અવાજો આવી રહ્યા હોય, તો એ નોંધવું જોઈએ કે તમારો કૉલ રેકોર્ડ થઈ શકે છે. આ સ્થિતિમાં, ઘણી વખત તમને વચ્ચે અવાજ આવશે, પછી તે પણ બતાવે છે કે તમારો કોલ રેકોર્ડ થઈ રહ્યો છે. તમારો કૉલ રેકોર્ડ ન થાય તે માટે તમારે કૉલ દરમિયાન નાની-નાની બાબતો પર ધ્યાન આપવાની જરૂર છે. સાથે જ તમને જણાવી દઈએ કે ઓનલાઈન આવી ઘણી એપ્સ છે, જેમાં બીપ અવાજ વગર પણ કોલ રેકોર્ડ થાય છે. એટલે કે અવાજ વગર કોલ રેકોર્ડ થશે અને તમને ખબર પણ નહીં પડે.