LG આ મહિને લોન્ચ કરશે ભારતમાં પોતાના મિડરેન્જ 5G સ્માર્ટફોન

નવી દિલ્હી: એલજીના પ્રિમિયમ મિડ-રેંજ સ્માર્ટફોન વેલ્વેટ 5G આ મહિને ભારતમાં લોન્ચ થઇ શકે છે. આ પહેલાં વૈશ્વિક બજારોમાં તેની જાહેરાત જૂનમાં કરવામાં આવી હતી. ગિઝ્મોચાઇનાના અનુસાર સ્માર્ટફોન 4 ઓક્ટોબરના રોજ આંતરિક એલજી કર્મચારીઓ માટે ઓફિશિયલ થઇ શકે છે અને કંપની જલદી જ આ મહિનાના અંત સુધી એક સાર્વજનિક લોન્ચ આયોજિત કરી શકે છે. 

એલજી સ્માર્ટફોનમાં 6.8 ઇંચની ફૂલ-એચડી (1080-2460 પિક્સલ) એએમઓએલઇડી સ્ક્રીન છે, જેમાં 20.5:9 રેશિયો અને ફિંગરપ્રિંટ રીડર છે. ફોન ક્વાલકોમ સ્નૈપડ્રૈગન 765 એસઓસી દ્વારા સંચાલિત અને 8જીબી રેમ અને 128જીબી ઇન્ટરનલ સ્ટોરેજ સાથે છે, જેને માઇક્રોએસડી કાર્ડના માધ્યમથી વધારી શકાય છે. 

આ એલજી યૂએક્સ 9 પર આધારિત એન્ડ્રોઇડ 10 ઓએસને બૂટ્સ કરે છે. એલજી વેલવેટ ટ્રિપલ કેમેરા સેટઅપ સાથ આવે છે, જેમાં 48 મેગાપિક્સલ પ્રાઇમરી સેન્સર, 8 મેગાપિક્સલ અલ્ટ્રા-વાઇડ-એંગલ સેન્સર અને પોટ્રેટ શોટ્સ માટે 5 મેગાપિક્સલનું ડેપ્થ સેન્સર છે. 

સેલ્ફી અને વીડિયો ચેટ માટે ફ્રન્ટમાં 16 મેગાપિક્સલનું સેન્સર છે. ડિવાઇસમાં 4300 એમએએચની બેટૅરી છે અને આ ફાસ્ટ વાયર્ડ અને વાયરલેસ ચાર્જિંગને સપોર્ટ કરે છે. તેનું માપ 167.2 મિમીX74.1 મિમીx7.9 અને વજન 180 ગ્રામ છે.