Jio એ મોજ કરાવી દીધી! 599 માં આખો મોહલ્લો વાપરશે હાઇ સ્પીડ Internet, 5 OTT એપ્સ ફ્રી

Jio AirFiber આજકાલ નાના શહેરો અને ગામડાઓમાં ખૂબ જ લોકપ્રિય થઈ રહ્યું છે. કારણ કે 5G સેવા આ વિસ્તારોમાં પહોંચી ગઈ છે. સાથે એક જ ઘરમાં 5 થી 10 મોબાઈલ કનેક્શન છે. આવી સ્થિતિમાં દરેક મોબાઈલ કનેક્શનનો કુલ માસિક ખર્ચ ખૂબ જ વધી રહ્યો છે. એવામાં Jio AirFiberના 599 રૂપિયાના માસિક પ્લાનમાં આખો મોહલ્લો Wi-Fi ઇન્ટરનેટ ચલાવી રહ્યો છે. આ પ્લાનમાં હોમ ટીવી અને સીસીટીવી કેમેરા સહિત અન્ય વાઇ-ફાઇ કનેક્ટેડ ડિવાઇસને કનેક્ટ કરી શકાય છે.

શહેરોમાં દરેક જગ્યાએ ઇન્ટરનેટ છે. જો કે, ઈન્ટરનેટ ગામડામાં પહોંચતાની સાથે જ દમ તોડી નાંખે છે. કારણ કે ગામડાઓ અને નાના શહેરોમાં ઓપ્ટિકલ ફાઈબર નથી. આવી સ્થિતિમાં ઈન્ટરનેટનો એકમાત્ર આધાર મોબાઈલ ટાવર છે. જો કે, Jio એક નવું સોલ્યુશન Jio AirFiber લાવ્યું છે, જેમાં તમે ઓપ્ટિકલ ફાઈબરની મદદ વિના ઘરમાં Wi-Fi સેવા ઇન્સ્ટોલ કરી શકશો. સાથે તમારો આખો મોહલ્લો હાઇ-સ્પીડ ઇન્ટરનેટની સુવિધાનો આનંદ માણી શકશે. તમે તમારા ટીવી, મોબાઇલ, સીસીટીવી કેમેરા સહિત કોઈપણ પ્રકારના Wi-Fi કનેક્ટેડ ડિવાઇસને કનેક્ટ કરીને મૂવીઝ અને શોનો આનંદ માણી શકશો. તમે Netflix, Jio Cinema, Disney Plus Hotstar જેવી એપ્લિકેશન આધારિત સેવાઓનો આનંદ પણ લઈ શકશો.

કેટલા ડિવાઈસ કરી શકશો કનેક્ટ
જિયો એરફાઈબરથી એક વારમાં 10 ડિવાઈસને કનેક્ટ કરી શકાય છે. તેમાં લેપટોપ, કોમ્પ્યૂટર, મોબાઈલ અને સીસીટીવી કેમેરાનો સમાવેશ થાય છે. જોકે વધારે ડિવાઈસ કનેક્ટ કરશો તો ઈન્ટરનેટ સ્પીડ ઘટી શકે છે.

કેટલો આપવો પડશે ચાર્જ?
Jio AirFiber પ્લાનની પ્રારંભિક કિંમત 599 રૂપિયા છે. તેના પર તમારે અલગથી 18 ટકા GST ચૂકવવો પડશે. એવામાં તમારો માસિક ખર્ચ લગભગ 701 રૂપિયા હશે. આ પ્લાનમાં 1000 GB ડેટા આપવામાં આવશે. આ પ્લાનમાં 100 Mbpsની સ્પીડ મળશે. સાથે 30 થી 40 mbps ની અપલોડિંગ સ્પીડ ઉપલબ્ધ છે. આ ઉપરાંત લગભગ 15 OTT એપ્સનું ફ્રી સબસ્ક્રિપ્શન પણ આપવામાં આવે છે. 599 રૂપિયા ઉપરાંત, 899 રૂપિયા અને 1199 રૂપિયાના પ્લાન છે, જે યૂઝર્સ તેમના ડેટા વપરાશના હિસાબે લઈ શકે છે.

કેવી રીતે ઇન્સ્ટોલ કરવું Jio AirFiber?
Jio AirFiber એક વાયરલેસ Wi-Fi સેવા છે. તે ગામડાઓ અને દૂરના વિસ્તારોમાં સ્થાપિત કરી શકાય છે જ્યાં વાયર્ડ Wi-Fi સેવા ઉપલબ્ધ નથી. આ માટે તમારે My Jio એપ પરથી ઈન્સ્ટોલેશન માટે રિકવેસ્ટ નાંખવી પડશે. પછી તમારે પેમેન્ટ કરવાનું રહેશે. આ માટે તમારે 1000 રૂપિયાનો ઇન્સ્ટોલેશન ચાર્જ ચૂકવવો પડશે. પરંતુ જો તમે 1 વર્ષનો પ્લાન લો છો, તો ઇન્સ્ટોલેશન ફ્રી રહે છે. જેમાં 10mbps હાઇ સ્પીડ ઇન્ટરનેટ સેવા આપવામાં આવે છે. ઉપરાંત સિક્યોરિટી મની પણ ચૂકવવી પડે છે.

ક્યાં ઉપલબ્ધ છે Jio AirFiber સેવા?
Jio એર ફાઇબર તમામ વિસ્તારોમાં ઉપલબ્ધ નથી. તે ખાસ કરીને એવા વિસ્તારોમાં શરૂ કરવામાં આવ્યું છે જ્યાં 5G સેવા ઉપલબ્ધ છે.

કયા ક્ષેત્રો માટે છે Jio AirFiber સર્વિસ?
જે વિસ્તારોમાં બ્રોડબેન્ડ કવરેજ ઓછું છે ત્યાં નેટવર્ક કવરેજ લાવવા માટે રિલાયન્સ જિયોએ ગયા વર્ષે જ Jio Air Fiber લોન્ચ કર્યું હતું. Jio Air Fiberની મોટાભાગની માંગ ટિયર-2 શહેરોમાંથી આવી રહી છે. ગ્રાહકોને આકર્ષવા માટે Jio એ 599 રૂપિયાથી શરૂ થતા ઘણા સસ્તા પ્લાન પણ લૉન્ચ કર્યા છે. કંપનીનો ટાર્ગેટ 10 કરોડ જગ્યાઓને આ સેવા સાથે જોડવાનો છે. કંપનીએ સ્ટ્રીમિંગ પ્લાન પણ રજૂ કર્યા છે, જેમાં ફિક્સ્ડ બ્રોડબેન્ડ પેકેજો સાથે 15 સ્ટ્રીમિંગ એપ્સનો સમાવેશ થાય છે.

5G એ બદલી નાંખી તસવીર
હકીકતમાં, ભારતના લગભગ દરેક ગામમાં 5G નેટવર્ક પહોંચી ચૂક્યું છે. એવામાં Jio AirFiberની મદદથી હાઇ સ્પીડ ઇન્ટરનેટ સર્વિસનો આનંદ માણી શકાય છે. મોબાઈલ નેટવર્ક એનાલિટિક્સ કંપની OpenSignal એ પોતાની એક રિપોર્ટમાં કહેવામાં આવ્યું છે કે સ્ટેન્ડઅલોન 5G નેટવર્કને કારણે Jio Air Fiber પોતાના ગ્રાહકોને શાનદાર સ્પીડ પર ડેટા આપી શકે છે. ઓપન સિગ્નલ માને છે કે Jioની ફિક્સ્ડ વાયરલેસ સર્વિસ એટલે કે Jio Air Fiberના ગ્રાહકો દર મહિને સરેરાશ 400 GB ડેટા વાપરે છે.