દર વર્ષની જેમ આ વર્ષે પણ એએમસી દ્વારા નેશનલ બુક ફેરનું આયોજન કરવામાં આવ્યુ. રિવરફ્રન્ટના પશ્ચિમ કિનારે વલ્લભસદન પાછળ યોજાઇ રહેલા બુકફેરને મુખ્યપ્રધાન ના હસ્તે ખુલ્લો મુકવામાં આવ્યો. જ્યા મુખ્યપ્રધાને બુકફેરની નાનકડી વિઝીટ પણ કરી. દરમ્યાન આ વર્ષે નવા આકર્ષણ રૂપે તંત્રએ તરતી લાઇબ્રેરી શરૂ કરી છે. જેમાં સાબરમતી નદીમાં બોટીંગ માટે વપરાતી બોટ પર તરતી લાઇબ્રેરીનું પાટીયુ મારી દેવાયુ છે. ગંભીર બાબત એ છેકે ફક્ત 12 મિનીટની રાઇડ માટે 130 રૂપિયાની ફી રાખવામાં આવી છે.