દેશ માટે શહીદ થયેલા ગંભીરસિંહ ભુપતસિંહ કાસેલા અને જિલ્લાનાં તમામ જ્ઞાતિનાં શહીદની યાદમાં અને શહિદોને વિરાંજલી અર્પણ કરવા સમસ્ત ટીકર ગામ દ્વારા શહિદી વંદના કાર્યક્રમ યોજાયો હતો. શહીદના માનમાં યોજાયેલા કાર્યક્રમમાં એક યુવક તરફ સૌનું ધ્યાન ગયું હતું. તેણે થેલો ભરીને નોટોનો વરસાદ કર્યો હતો. રાજભા ગઢવી સહિતના લોક કલાકારો પર એક યુવાને ખોબલેને ખોબલે રૂપિયાનો વરસાદ કર્યો હતો. રાણા મહાવીરસિંહ સિંધવ નામના આ યુવકે પોતાના શહીદ મિત્રની યાદમાં 20 લાખનો વરસાદ કર્યો હતો. યુવકે કોથળામાંથી એક પછી એક એમ 20 લાખ રૂપિયા ઉડાવ્યા હતા. આમ, એક શહીદ મિત્ર માટે આનાથી વધુ સારી શ્રદ્ધાંજલિ બીજી કઈ હોઈ શકે....