અમદાવાદમાં આજે રિક્ષાચાલકોની હડતાલ છે. હડતાલના પગલે શહેરમાં રિક્ષાઓના પૈડા થંભી ગયા છે. પાર્કિંગની પૂરતી વ્યવસ્થા, નવા મોટર વેહિકલ એક્ટ હેઠળ ભારે દંડની રકમનો વિરોધ, રિવરફ્રન્ટમાં રિક્ષાઓના પ્રવેશ પર પ્રતિબંધ તેમજ રીક્ષાના વીમાની વધુ રકમના કારણે હડતાળ કરવામાં આવી છે. હડતાળના કારણે મુસાફરોને ભારે તકલીફનો સામનો કરવો પડી રહ્યો છે જેથી લોકોએ ટ્રાન્સપોર્ટ બસનો સહારો લેવો પડી રહ્યો છે.