ମହାରାଷ୍ଟ୍ର ବିଧାନସଭାରେ ଆରମ୍ଭ ହେଲା ସଂଗ୍ରାମ, ଏକନାଥ ସିନ୍ଦେ ଗୋଷ୍ଠୀ ସିଲ କଲା ଶିବସେନାର ଅଫିସ

Maharashtra Political Crisis: ମହାରାଷ୍ଟ୍ରରେ ନବ ନିର୍ବାଚିତ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱରେ ଭାରତୀୟ ଜନତା ପାର୍ଟି (BJP) ର ସହଯୋଗରେ ଗଠିତ ନୂତନ ସରକାର ଆଜିଠାରୁ ଆରମ୍ଭ ହେବାକୁ ଥିବା ବିଧାନସଭାର ଦୁଇ ଦିନିଆ ସ୍ୱତନ୍ତ୍ର ଅଧିବେଶନରେ ବହୁମତ ସାବ୍ୟସ୍ତ କରିବେ । ରବିବାର ସକାଳ ୧୧ଟାରୁ ବିଧାନସଭା ପ୍ରକ୍ରିୟା ଆରମ୍ଭ ହେବା ପରେ ବାଚସ୍ପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ ବୋଲି ଜଣେ ଅଧିକାରୀ କହିଛନ୍ତି ।

ମୁମ୍ୱାଇ: Maharashtra Political Crisis: ମହାରାଷ୍ଟ୍ର ବିଧାନସଭାର ସ୍ୱତନ୍ତ୍ର ଅଧିବେଶନ ଆରମ୍ଭ ହୋଇଛି । ଏହା ସହ ଏକନାଥ ସିନ୍ଦେ ଓ ଉଦ୍ଧବ ଠାକରେଙ୍କ ଗୋଷ୍ଠୀ ମୁହାଁମୁହିଁ ହୋଇଛନ୍ତି । ସିନ୍ଦେଙ୍କ ନେତୃତ୍ୱରେ ଶିବସେନା ଗୋଷ୍ଠୀ ବିଧାନ ଭବନରେ ବିଧାୟକ ଦଳର କାର୍ଯ୍ୟାଳୟକୁ ସିଲ୍ କରିଛି । ଶିବସେନା ବିଧାୟକ ଦଳର କାର୍ଯ୍ୟାଳୟ ବାହାରେ ମରାଠୀରେ ଏକ ନୋଟିସ୍ ଲଗା ହୋଇଛି । ଯେଉଁଥିରେ ଲେଖା ହୋଇଛି ଯେ, ଏହି କାର୍ଯ୍ୟାଳୟ ଶିବସେନା ବିଧାୟକ ଦଳର କାର୍ଯ୍ୟାଳୟର ନିର୍ଦ୍ଦେଶ ଅନୁଯାୟୀ ବନ୍ଦ ରହିଛି ।

ମହାରାଷ୍ଟ୍ରରେ ନବ ନିର୍ବାଚିତ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ନେତୃତ୍ୱରେ ଭାରତୀୟ ଜନତା ପାର୍ଟି (BJP) ର ସହଯୋଗରେ ଗଠିତ ନୂତନ ସରକାର ଆଜିଠାରୁ ଆରମ୍ଭ ହେବାକୁ ଥିବା ବିଧାନସଭାର ଦୁଇ ଦିନିଆ ସ୍ୱତନ୍ତ୍ର ଅଧିବେଶନରେ ବହୁମତ ସାବ୍ୟସ୍ତ କରିବେ । ରବିବାର ସକାଳ ୧୧ଟାରୁ ବିଧାନସଭା ପ୍ରକ୍ରିୟା ଆରମ୍ଭ ହେବା ପରେ ବାଚସ୍ପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ ବୋଲି ଜଣେ ଅଧିକାରୀ କହିଛନ୍ତି ।

ପ୍ରାୟ ୧୩ ଦିନ ପରେ ଆଜି ପ୍ରଥମ ଥର ପାଇଁ ସିନ୍ଦେ ଓ ଠାକରେ ଗୋଷ୍ଠୀ ମୁହାଁମୁହିଁ ହେବେ । ସିନ୍ଦେଙ୍କ ସପକ୍ଷରେ ୩୯ ଶିବସେନା ବିଧାୟକଙ୍କ ସମର୍ଥନ ରହିଛି । ଏଥି ସହିତ ଠାକରେଙ୍କ ପାଖରେ ମାତ୍ର ୧୬ ଜଣ ବିଧାୟକଙ୍କ ସମର୍ଥନ ରହିଛନ୍ତି ।

ଏହା ବି ପଢ଼ନ୍ତୁ:-ତ୍ରିପୁରା ନିର୍ବାଚନ ପୂର୍ବରୁ ବିଜେପିକୁ ବଡ଼ ଝଟକା, ସହଯୋଗୀ ଦଳ ଦି'ଫାଳ!

ଏହା ବି ପଢ଼ନ୍ତୁ:-'ସିନ୍ଦେ ପାଇଲେ ମୁଖ୍ୟମନ୍ତ୍ରୀ ପଦ, ଫଡନାଭିସଙ୍କ ଜୀବନରେ ଆସିଲା ଭୂକମ୍ପ!'

ଏହା ବି ପଢ଼ନ୍ତୁ:-ତେବେ କ'ଣ ବିଗିଡ଼ି ଯିବ ଦ୍ରୌପଦୀ ମୁର୍ମୁଙ୍କ ଖେଳ? ନିର୍ବାଚନ ପ୍ରଚାର ସମୟରେ ଯଶୱନ୍ତ ସିହ୍ନା କଲେ ବଡ଼ ଦାବି

ସେପଟେ ଶିବସେନାର ମୁଖପତ୍ର 'ସାମାନା'ରେ କୁହାଯାଇଛି ଯେ, ଉଦ୍ଧବ ଠାକରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ଓ ଏହି କାରଣରୁ ମହାରାଷ୍ଟ୍ରରେ ଏକ ପର୍ବ ସମାପ୍ତ ହୋଇଛି । ମୋଟ ଉପରେ ଏହି ଅବଧି ମାତ୍ର ଅଢ଼େଇ ବର୍ଷର ଥିଲା, କିନ୍ତୁ ବୁଧବାର ରାତିରେ ସେ ମୁଖ୍ୟମନ୍ତ୍ରୀ ତଥା ବିଧାୟକ ପଦରୁ ଇସ୍ତଫା ଦେଇ ମୁକ୍ତ ହୋଇଥିଲେ । ୫ ବର୍ଷ ପାଇଁ ପ୍ରତିଷ୍ଠିତ ମହାବିକାଶ ଅଘାଡ଼ି ସରକାର ଅଢ଼େଇ ବର୍ଷ ମଧ୍ୟରେ ଭାଙ୍ଗି ଯାଇଛି, ଏହା କଂଗ୍ରେସ କିମ୍ବା ଜାତୀୟତାବାଦୀ କଂଗ୍ରେସ ଯୋଗୁଁ ହୋଇ ନାହିଁ । ଇସ୍ତଫା ଦେବାବେଳେ ଉଦ୍ଧବ ଠାକରେ କହିଛନ୍ତି ଯେ, ମୋର ନିଜ ଲୋକମାନେ ଧୋକା ଦେଇଛନ୍ତି ।

ସାମନାରେ ଆଗକୁ କୁହାଯାଇଛି ଯେ, ଏକନାଥ ସିନ୍ଦେଙ୍କ ସହ କେତେଜଣ ବିଧାୟକ ଅଛନ୍ତି ତାହା ଛାଡିଦିଅ, କିନ୍ତୁ ଉଦ୍ଧବ ଠାକରେଙ୍କ ନେତୃତ୍ୱରେ ଏହି ସମସ୍ତ ବିଧାୟକ ଶିବସେନାର ପ୍ରାର୍ଥୀ ଭାବରେ ବିଜୟୀ ହୋଇଛନ୍ତି ଏବଂ ସେମାନେ ଉଦ୍ଧବ ଠାକରେଙ୍କ ବିରୁଦ୍ଧରେ ବିଦ୍ରୋହ କଲେ । ଦଳବଦଳ ବିରୋଧୀ ନିୟମ ଅନୁଯାୟୀ, ସେମାନଙ୍କ ବିଧାୟକଙ୍କ ପଦ ଯାଇପାରେ, କିନ୍ତୁ ମହାରାଷ୍ଟ୍ରର ରାଜ୍ୟପାଳ ଓ ସୁପ୍ରିମକୋର୍ଟ ଦଳବଦଳିଥିବା ବ୍ୟକ୍ତିମାନଙ୍କୁ ଶକ୍ତି ପ୍ରଦାନ କରିଛନ୍ତି । ଯଦି କାହାକୁ ଦଳ ବଦଳାଇବାର ଅଛି, ତେବେ ସେ ତାଙ୍କୁ ସର୍ବସାଧାରଣଙ୍କ ସାମ୍ନାରେ ବଦଳାଇବା ଉଚିତ୍ । ଜନସାଧାରଣଙ୍କୁ ମୁହଁ ଦେଖାଇବାକୁ ତାଙ୍କର ସାହସ ରହିବା ଉଚିତ୍ ।