Saturn Retrograde: ജ്യോതിഷത്തില്‍ ഗ്രഹങ്ങളുടെ മാറ്റം, ഉയര്‍ച്ച, വക്രഗതി എന്നിവ വളരെ പ്രധാനമാണ്. ഗ്രഹങ്ങളുടെ ചലനത്തിലെ മാറ്റങ്ങള്‍ മനുഷ്യരുടെ ജീവിതത്തില്‍ വലിയ സ്വാധീനം ചെലുത്തുന്നു. ഒന്‍പത് ഗ്രഹങ്ങളുടേയും രാശിചക്രം വ്യത്യസ്ത ഇടവേളകളില്‍ മാറുന്നത് പതിവാണ്. ജ്യോതിഷ പ്രകാരം ശനിയാണ് കര്‍മ്മദാതാവ്. ഒരു വ്യക്തിയുടെ കര്‍മ്മങ്ങള്‍ക്ക് അനുസരിച്ച് ശനിദേവന്‍ നല്ലതോ ചീത്തയോ ആയ ഫലങ്ങള്‍ നല്‍കുന്നുവെന്നാണ് വിശ്വാസം.
ഒരാളുടെ ജാതകത്തില്‍ ശനി നല്ല നിലയിലാണെങ്കില്‍ ആ വ്യക്തിക്ക് ബുദ്ധി, പ്രശസ്തി, പണം, നല്ല ആരോഗ്യം എന്നിവ ലഭിക്കും. എന്നാൽ ശനി മോശമാണെങ്കില്‍ വീട്ടില്‍ വഴക്കുകള്‍, അലസതയും അശുഭാപ്തിവിശ്വാസവും, പുരോഗതിയില്‍ മന്ദത, വിഷാദം, സാമ്പത്തിക നഷ്ടം, അനാരോഗ്യം എന്നിവയും വന്നേക്കാം.
Also Read: നാളെ മുതൽ ശനി കുംഭ രാശിയിൽ, ഈ 5 രാശിക്കാർ ജാഗ്രത പാലിക്കുക!
ജൂണ്‍ 5 ന് അതായത് നാളെ ശനി കുംഭ രാശിയില്‍ വക്രഗതിയില്‍ സഞ്ചരിച്ചുതുടങ്ങും. ഇത് ഒക്ടോബര്‍ 23 വരെ തുടരും. ശനിയുടെ ഈ പ്രതിലോമ സഞ്ചാരം എല്ലാ രാശികളിലും പ്രത്യേക സ്വാധീനം ചെലുത്തും. ഇത് ചിലര്‍ക്ക് ശുഭകരമാണെങ്കില്‍ മറ്റു ചിലർക്ക് അശുഭകരമാകാന്‍ സാധ്യതയുണ്ട്. ശനിയുടെ വിപരീത ചലനം ബാധിക്കുമെങ്കിലും ഈ നാല് രാശിക്കാര്‍ക്ക് പ്രത്യേക നേട്ടങ്ങള്‍ ലഭിക്കാനുള്ള സാധ്യതയുണ്ട്. അത് ഏതൊക്കെ രാശികൾ എന്ന് നമുക്ക് നോക്കാം...
മേടം (Aries): ശനിയുടെ വക്രഗതി മേട രാശിക്കാർക്ക് ശുഭ ഫലങ്ങൾ നൽകും. ഈ സമയത്ത് ഇവർക്ക് കരിയറില്‍ ഉയർച്ചയുണ്ടാകും. ജോലി അന്വേഷിക്കുന്നവര്‍ക്ക് ജോലി ലഭിക്കും. സാമ്പത്തിക സ്ഥിതിയും മെച്ചപ്പെടും. വരുമാനത്തില്‍ വര്‍ദ്ധനവിന് സാധ്യത. നിങ്ങളുടെ ആഗ്രഹങ്ങളില്‍ ഏതെങ്കിലും പൂര്‍ത്തീകരിക്കപ്പെടാത്തത് ഉണ്ടെങ്കിൽ അത് ഈ സമയം പൂർത്തീകരിക്കപ്പെടും.
Also Read: Astro Tips For Saturday: ശനിയാഴ്ച ഈ ഉപായങ്ങള്‍ അനുഷ്ടിക്കൂ, നിങ്ങളുടെ ഭാഗ്യം തെളിയും
വൃശ്ചികം (Scorpio): ശനി ഗ്രഹം വൃശ്ചികത്തിന്റെ നാലാം ഭാവത്തില്‍ വക്രഗതിയിൽ സഞ്ചരിക്കും. ഈ സമയത്ത് വൃശ്ചികം രാശിക്കാരുടെ കുടുംബ ജീവിതത്തില്‍ പ്രശ്‌നങ്ങള്‍ ഉണ്ടാകാം. എന്നാല്‍ സാമ്പത്തിക കാര്യത്തില്‍ അനുകൂലമായിരിക്കും. ജോലിസ്ഥലത്ത് നിങ്ങള്‍ക്ക് മികച്ച ഫലങ്ങള്‍ ലഭിക്കാന്‍ സാധ്യത. നിങ്ങള്‍ക്ക് ചില നല്ല വാര്‍ത്തകൾ ലഭിച്ചേക്കാം. ഈ സമയം ഇവർ കഠിനാധ്വാനം ചെയ്താല്‍ വൻ നേട്ടങ്ങള്‍ ലഭിക്കും.
മകരം (Capricorn): ശനിയുടെ വക്രഗതി മകരം രാശിക്കാരുടെ സുഖസൗകര്യങ്ങള്‍ വര്‍ധിപ്പിക്കാന്‍ സാധ്യതയുണ്ട്. വളരെക്കാലമായി ആരോഗ്യപ്രശ്നങ്ങള്‍ നിങ്ങളെ അലട്ടിയിരുന്നെങ്കില്‍ ഉടന്‍ തന്നെ അതില്‍ നിന്ന് മുക്തി നേടും. സമൂഹത്തില്‍ നിങ്ങളുടെ അന്തസ്സും വര്‍ദ്ധിക്കും. വിദ്യാര്‍ത്ഥികള്‍ ഏതെങ്കിലും മത്സര പരീക്ഷ എഴുതുകയാണെങ്കില്‍ വിജയിക്കാന്‍ സാധ്യതയുണ്ട്. സാമ്പത്തിക പുരോഗതിക്കും അവസരമുണ്ടാകും.
Also Read: ഈ 5 രാശിക്കാർ തന്നിഷ്ടക്കാർ, ആരുടെ വാക്കും കേൾക്കില്ല!
കുംഭം (Aquarius): ശനിയുടെ വക്രഗതി കുംഭം രാശിക്കാര്‍ക്ക് തൊഴിലിന്റെ കാര്യത്തില്‍ ശുഭകരമായിരിക്കും. തൊഴില്‍രംഗത്ത് പുരോഗതിക്ക് അവസരമുണ്ടാകും. ജോലിസ്ഥലത്തെ നിങ്ങളുടെ ജോലികള്‍ വിലമതിക്കപ്പെടും. ജോലിയുമായി ബന്ധപ്പെട്ട ചില നല്ല വാര്‍ത്തകളും ലഭിക്കും. വിദ്യാര്‍ത്ഥികള്‍ക്ക് പരീക്ഷയില്‍ നല്ല മാര്‍ക്ക് ലഭിക്കാൻ സാധ്യത. വരുമാനം കൂടാനും സാധ്യതയുണ്ട്.
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക.
