തൃശ്ശൂർ: പ്രായപൂർത്തിയാകാത്ത വിദ്യാർഥികളെ പ്രകൃതി വിരുദ്ധ പീഡനത്തിന് ഇരയാക്കിയ സംഭവത്തിൽ മധ്യവയസ്കൻ അറസ്റ്റിൽ ഒരുമനയൂർ മുത്തമ്മാവ് മാങ്ങാടി വീട്ടിൽ സജീവനെ(52) യാണ് പോലീസ് അറസ്റ്റ് ചെയ്തത്. ചാവക്കാട് പോലീസ് ആണ് പ്രതിയെ അറസ്റ്റ് ചെയതത്.
അയൽവാസികളായ വിദ്യാർഥികളെ ബൂസ്റ്റ് തരാമെന്ന് പറഞ്ഞാണ് ഇയാൾ പ്രകൃതി വിരുദ്ധ പീഡനത്തിന് ഇരയാക്കിയത്. ചാവക്കാട് പോലീസ് സബ് ഇൻസ്പെക്ടർ സെസിൽ കൃസ്ത്യന്റെ നേതൃത്വത്തിൽ സബ് ഇൻസ്പെക്ടർമാരായ ബിജു പട്ടാമ്പി, ഷാജു. ശ്രീരാജ്, എ. എസ്. ഐ. ലത്തീഫ്, സിപിഒമാരായ മൂജീബ്, വിനോദ്, പ്രദീപ് എന്നിവരും അന്വേഷണ സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതിയെ കോടതി 14 ദിവസത്തേക്ക് റിമാൻഡു ചെയ്തു.
ALSO READ: മ്ലാവിനെ വെടിവെച്ചു കൊലപ്പെടുത്തിയ സംഘം പിടിയിൽ; ഇറച്ചി വാങ്ങിയവരും കുടുങ്ങും
പ്രായപൂർത്തിയാകാത്ത പെണ്‍കുട്ടിയെ ശല്യം ചെയ്തയാൾ പോക്സോ കേസിൽ അറസ്റ്റിൽ
കാഞ്ഞങ്ങാട്: പ്രായപൂർത്തിയാകാത്ത പെണ്‍കുട്ടിയെ ശല്യം ചെയ്തയാളെ പോക്സോ കേസ് പ്രകാരം കേസ് ചുമത്തി. ബസ്സ്റ്റാന്‍ഡ് പരിസരത്ത് വെച്ച് പ്രായപൂര്‍ത്തിയാകാത്ത പെണ്‍കുട്ടിയെ ശല്യം ചെയ്തതിനാണ് ഹൊസ്ദുര്‍ഗ് പോലീസ് അറുപതുകാരനെ പോക്സോ കേസ് ചുമത്തി അറസ്റ്റ് ചെയ്തത്. കൊളവയല്‍ സ്വദേശിയും നേര്‍ത്ത് കോട്ടച്ചേരിയില്‍ താമസക്കാരനുമായ അശോകനെയാണ് ഇന്‍സ്പെക്ടര്‍ കെ.പി. ഷൈന്‍ അറസ്റ്റ് ചെയ്തത്. കഴിഞ്ഞ ശനിയാഴ്ച വൈകിട്ടാണ് സംഭവം നടക്കുന്നത്. കാഞ്ഞങ്ങാട് ബസ് സ്റ്റാന്‍ഡിന്റെ മുന്‍വശത്തെ നടപ്പാതയിലൂടെ നടക്കുകയായിരുന്ന പ്രായപൂര്‍ത്തിയാകാത്ത വിദ്യാര്‍ത്ഥിനിയെയാണ് പ്രതി ശല്യംചെയ്തത്. പെണ്‍കുട്ടി ബഹളം ഉണ്ടാക്കിയതിനെ തുടർന്ന് നാട്ടുകാരാണ് ഇയാളെ പിടിച്ച് പോലീസില്‍ ഏല്‍പ്പിച്ചത്. പെണ്‍കുട്ടിയുടെ പരാതിയെ തുടര്‍ന്ന് ഇയാള്‍ക്കെതിരേ പോക്സോ നിയമപ്രകാരം കേസെടുത്തു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
