Rinku Singh: റൂഫ് ടോപ് ബാ‍ർ, പ്രൈവറ്റ് പൂൾ, ജീവിതം മാറ്റിയ എസ്എസ് ബാറ്റും; 3.5 കോടിയുടെ വീടിന്റെ ദൃശ്യങ്ങളുമായി റിങ്കു സിങ് -വിഡിയോ

Rinku Singh: ഐപിഎല്ലിൽ കൊൽക്കത്ത നൈറ്റ് റൈഡേഴ്സ് 13 കോടി രൂപയ്ക്ക് നിലനിൽത്തിയതിന് പിന്നാലെയാണ് അലി​ഗഡിലെ ഓസോൺ സിറ്റിയിൽ വീട് വാങ്ങിയത്.

ഇന്ത്യൻ ക്രിക്കറ്റിലെ ഏറ്റവും ശ്രദ്ധേയനായ യുവതാരമാണ് റിങ്കു സിങ്. ഉത്തർപ്രദേശിലെ ഒരു സാധാരണകുടുംബത്തിൽ ജനിച്ച് വളർന്ന താരത്തിന്റെ വളർച്ച സ്വപ്നതുല്യമായിരുന്നു. ഇപ്പോഴിതാ 3.5 കോടി രൂപ ചെലവിട്ട് വാങ്ങിയ സ്വപ്ന ഭവനത്തിന്റെ  ദൃശ്യങ്ങൾ ആരാധകർക്കായി പങ്കുവെച്ചിരിക്കുകയാണ് റിങ്കു സിങ്. 

അലി​ഗഢിലെ ഓസോൺ സിറ്റിയിൽ ​ഗോൾഡൻ എസ്റ്റേറ്റിലാണ് റിങ്കു പുതിയ വീട് സ്വന്തമാക്കിയത്. റിങ്കു പങ്കുവെച്ച വീടിന്റെ ദൃശ്യങ്ങൾ സോഷ്യൽ മീഡിയയിൽ വൈറലാണ്.  

2023 ഏപ്രിൽ ഒമ്പതിനാണ് റിങ്കുവിന്റെ കരിയർ മാറിമറിയുന്നത്. ​ഗുജറാത്ത് ടൈറ്റൻസിനെതിരെ അവസാന ഓവറിൽ കൊൽക്കത്ത നൈറ്റ് റൈഡേഴ്സിനെ വിജത്തിലെത്തിച്ച അഞ്ചു സിക്സുകളാണ് റിങ്കുവിന്റെ കരിയറിലെ ടേണിങ് പോയിന്റ്.  അതിന് കാരണമായ തന്റെ എസ് എസ് ബാറ്റും വീട്ടിൽ സ്ഥാപിച്ചിട്ടുണ്ട്.

Tour to Rinku Singh new house pic.twitter.com/eerFwrXg4x

— KKR Vibe (@KnightsVibe) November 13, 2024

50 ചതുരശ്രയടി വിസ്തീർണത്തിൽ നിരവധി നിലകളിലായാണ് വീട്.  ആറു മുറികളുള്ള വീട്ടിൽ റൂഫ് ടോപ് ബാറും പ്രൈവറ്റ് പൂളുമുണ്ട്. വീടിന്റെ ഒരു ഭാ​ഗം ട്രോഫികൾ പ്രദർശിപ്പിക്കാനാണ് ഉപയോ​ഗിച്ചിരിക്കുന്നത്.  

ഐപിഎല്ലിൽ കൊൽക്കത്ത നൈറ്റ് റൈഡേഴ്സ് 13 കോടി രൂപയ്ക്ക് നിലനിൽത്തിയതിന് പിന്നാലെയാണ് അലി​ഗഡിലെ ഓസോൺ സിറ്റിയിൽ വീട് വാങ്ങിയത്.  ട്വന്റി20 പരമ്പരയ്ക്കുള്ള ഇന്ത്യൻ ടീമിനൊപ്പം ദക്ഷിണാഫ്രിക്കയിലാണ് താരം ഇപ്പോഴുള്ളത്.