Kochi : ജോജു ജോർജിന്റെ (Joju George) കാർ തകർത്ത സംഭവത്തിൽ കേരള പോലീസിന്റെ (Kerala Police) അന്വേഷണം പുരോഗമിക്കുകയാണ്. പ്രതികൾക്കായി പൊലീസ് തിരച്ചിൽ തുടരുകയാണ്. എന്നാൽ സംഭവത്തിൽ പുതിയ പരാതിയുമായി യൂത്ത് കോൺഗ്രസ് (Youth Congress) രംഗത്തെത്തിയിട്ടുണ്ട്. സംഭവ സമയത്ത് ജോജു ജോർജ് മാസ്ക് ധരിച്ചിരുന്നില്ലെന്നാണ് യൂത്ത് കോൺഗ്രസ് പരാതി നൽകിയത്. യൂത്ത് കോൺഗ്രസ് പ്രവർത്തകർ കൊച്ചി ഡിസിപിക്കാണ് പരാതി നൽകിയത്.
കേസിൽ ഇതുവരെ ഒരു പ്രതിയെ മാത്രമാണ് പിടികൂടിയിട്ടുള്ളത്. ബാക്കി പ്രതികൾക്കായി തിരച്ചിൽ തുടരുകയാണ്. പ്രതികൾ ഒളിവിൽ ആയതിനാൽ മൊബൈൽ ടവർ കേന്ദ്രീകരിച്ചാണ് തിരച്ചിൽ നടത്തുന്നത്. മുൻ മേയർ (Former Mayor) ടോണി ചമ്മണി ഉൾപ്പടെ എട്ട് പേർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. എട്ട് പേർക്കെതിരെയും ജാമ്യമില്ലാ വകുപ്പ് പ്രകാരമാണ് കേസ് രജിസ്റ്റർ ചെയ്തിരിക്കുന്നത്.
കേസിൽ ആദ്യ അറസ്റ്റ് പൊലീസ് ഉദ്യോഗസ്ഥർ കഴിഞ്ഞ ദിവസം രേഖപ്പെടുത്തിയിരുന്നു. അതേസമയം നേതാക്കൾ അറസ്റ്റ് ഒഴിവാക്കുന്നതിനായി മുൻ‌കൂർ ജാമ്യാപേക്ഷ നൽകാൻ സാധ്യതയുണ്ടെന്നും റിപ്പോർട്ടുകൾ സൂചിപ്പിക്കുന്നു. അതേസമരം വഴിതടയൽ സമരത്തിനെതിരെ 15 പേർക്കെതിരെയും കേസ് എടുത്തിട്ടുണ്ട്. കൊടിക്കുന്നിൽ സുരേഷ് ഉൾപ്പടെയുള്ളവർക്കെതിരെയാണ് കേസ് എടുത്തിരിക്കുന്നത്.
ALSO READ: Actor Joju George: ജോജു ജോര്‍ജിന്‍റെ കാര്‍ തകര്‍ത്ത സംഭവം; കോണ്‍ഗ്രസ് പ്രവര്‍ത്തകന്‍ കസ്റ്റഡിയില്‍
കേസിൽ കോൺഗ്രസ് പ്രവർത്തകനും (Congress Worker) എറണാകുളം വൈറ്റില സ്വദേശിയുമായ പി ജി ജോസഫാണ് കസ്റ്റഡിയിലായത്. കൊച്ചി സിറ്റി പോലീസ് (Kochi City Police) ആണ് പ്രതിയെ കസ്റ്റഡിയിലെടുത്തത്. ഇയാളെ പോലീസ് ചോദ്യം ചെയ്യുകയാണ്. ആക്രമത്തിനിടെ ജോസഫിന്റെ കൈ മുറിഞ്ഞിരുന്നു.
ALSO READ: Actor Joju George Issue : ജോജു ജോർജ് മദ്യപിച്ചിട്ടുണ്ടോ എന്ന് പരിശോധിക്കുമെന്ന് DCP ഐശ്വര്യ ഡോങ്റെ
ജോജു ജോർജിന്റെ ലാന്‍ഡ് റോവര്‍ ഡിഫന്‍ഡര്‍ കാറിന്റെ ചില്ലാണ് കഴിഞ്ഞദിവസം കോൺഗ്രസ് പ്രവർത്തകർ അടിച്ചുതകര്‍ത്തത്. പോലീസ് എഫ്.ഐ.ആര്‍ പ്രകാരം ആറ് ലക്ഷം രൂപയുടെ നഷ്ടമാണ് കാറിനുണ്ടായിരിക്കുന്നത്. കേസിലെ പ്രതിയെ ഇന്ന് തന്നെ അറസ്റ്റ് ചെയ്യുമെന്ന് നേരത്തെ സിറ്റി പോലീസ് കമ്മീഷണര്‍ വ്യക്തമാക്കിയിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
