Top benefits of Lemon: ചെറുനാരങ്ങയുടെ ഗുണങ്ങള്‍ ചെറുതല്ല. വലിപ്പത്തില്‍ തീരെ ചെറുതെങ്കിലും ആരോഗ്യത്തിനും സൗന്ദര്യത്തിനും മുടിയുടെ സംരക്ഷണത്തിനുമെല്ലാം ഏറെ പ്രയോജനകരമാണ് ചെറുനാരങ്ങ. ആരോഗ്യത്തിനും സൗന്ദര്യത്തിനും ഒരു പോലെ സംരക്ഷണം നല്‍കുന്നു എന്നതാണ് ചെറുനാരങ്ങയുടെ ഏറ്റവും വലിയ സവിശേഷത.
ശരീരഭാരം കുറയ്ക്കല്‍, മെച്ചപ്പെട്ട ദഹനം, ശ്വാസകോശ രോഗങ്ങളില്‍ നിന്നും സംരക്ഷണം, മെച്ചപ്പെട്ട രോഗപ്രതിരോധം, മലബന്ധം ഇല്ലാതാക്കുക, ക്യാന്‍സര്‍, വൃക്കയിലെ കല്ല് എന്നിവയില്‍ നിന്ന് പ്രതിരോധം എന്നിവ നാരങ്ങയുടെ പ്രധാന ഗുണങ്ങളില്‍ പെടുന്നു.
Vitamin C, കാൽസ്യം, പൊട്ടാസ്യം എന്നിവയുടെ മികച്ച ഉറവിടമാണ് നാരങ്ങ. ഇതില്‍ കലോറി വളരെ കുറവാണ്. 100 ഗ്രാം നാരങ്ങയിൽ അടങ്ങിയിരിക്കുന്നത് വെറും 29 കലോറി മാത്രമാണ്.
ദഹനവുമായി ബന്ധപ്പെട്ട എല്ലാ പ്രശ്നങ്ങള്‍ക്കും ഉത്തമ പരിഹാരമാണ് നാരങ്ങ. നിങ്ങൾ ദഹനക്കേട് അല്ലെങ്കിൽ മലബന്ധം മൂലമുള്ള പ്രശ്നം നേരിടുകയാണ് എങ്കിൽ, ഭക്ഷണത്തില്‍ അല്പം നാരങ്ങ നീര് പിഴിഞ്ഞൊഴിക്കുക. ദഹനക്കേടിനുള്ള ഏറ്റവും പ്രചാരമുള്ള പരിഹാരമാണിത്. കൂടാതെ, വൃക്കയില്‍ കല്ല് ഉണ്ടാകുന്നത് തടയാനുള്ള ഏറ്റവും നല്ല മാർഗ്ഗം നാരങ്ങയുടെ പതിവ് ഉപഭോഗമാണ്
ശരീരഭാരം കുറയ്ക്കാനുള്ള ഏറ്റവും നല്ല ഉപായമാണ് നാരങ്ങ. എല്ലാ ദിവസവും രാവിലെ ഒരു ഗ്ലാസ് നാരങ്ങ വെള്ളം കുറച്ച് തേൻ ചേർത്ത് വെറും വയറ്റിൽ കുടിക്കുന്നത് നിങ്ങളുടെ മെറ്റബോളിസത്തെ വേഗത്തിലാക്കും. എല്ലാ ദിവസവും ഇത് കഴിച്ചാല്‍ വ്യായാമം ചെയ്യുമ്പോൾ അധിക ഭാരം കുറയ്ക്കുവാൻ നിങ്ങളെ സഹായിക്കും.
Also Read: Lemon For Weight Lose: വയറിലെ കൊഴുപ്പ് കളയാൻ ഒറ്റ നാരങ്ങ മതി, ദിവസങ്ങൾക്കുള്ളിൽ അറിയാം വ്യത്യാസം!
അതേസമയം, ആരോഗ്യം കൂടാതെ, ചര്‍മ്മ സംരക്ഷണത്തിനും മുടിയ്ക്കും നാരങ്ങ ഏറെ പ്രയോജനം ചെയ്യും.
മുടിക്ക് നാരങ്ങ നീര് ധാരാളം ഗുണങ്ങൾ നൽകുന്നു. ഈ നീര് ശിരോചർമ്മത്തിൽ പുരട്ടുന്നത് താരൻ, മുടി കൊഴിച്ചിൽ, ശിരോചർമ്മത്തിലെ മറ്റ് പ്രശ്നങ്ങൾ എന്നിവയ്ക്ക് ഏറെ സഹായകമാണ്. വരണ്ടതും ചൊറിച്ചിൽ ഉള്ളതുമായ ശിരോചർമ്മത്തിന് എളുപ്പമുള്ള പ്രതിവിധി അതിൽ നാരങ്ങ തടവുക എന്നതാണ്. തൽക്ഷണം ഫലം ലഭിക്കും. കൂടാതെ, നാരങ്ങാ നീര് മുടിയിൽ പുരട്ടുന്നത് മുടിക്ക് സ്വാഭാവിക തിളക്കം നൽകുന്നു. ബ്ലീച്ചിംഗ് ഏജന്റായതിനാൽ പരിമിതമായ അളവിൽ വേണം നാരങ്ങനീര് പ്രയോഗിക്കേണ്ടത്, അല്ലെങ്കില്‍ മുടിയുടെ സ്വാഭാവിക നിറത്തിന് കുറവ് സംഭവിക്കും.
Also Read: Hair Fall Problems: മുടികൊഴിച്ചില്‍ തടയാം, ഇക്കാര്യങ്ങള്‍ ശ്രദ്ധിച്ചാല്‍ മതി
ചര്‍മ്മ പരിചരണത്തിനും നാരങ്ങ ഉത്തമമാണ്. ആരോഗ്യകരമായ ആസിഡുകളുള്ള നാരങ്ങ നീര്, ചര്‍മ്മത്തില്‍ പ്രയോഗിച്ചാല്‍ മൃതകോശങ്ങള്‍ നീക്കംചെയ്യാന്‍ സഹായിക്കും.
ഇത് കൊലാജിനെ നിര്‍മ്മിക്കുന്നു, ചര്‍മ്മത്തെ പുനര്‍ജ്ജീവിപ്പിക്കുന്നു, മൊത്തത്തിലുള്ള ഘടന മെച്ചപ്പെടുത്തുന്നു. ചര്‍മ്മത്തെ രോഗബാധയില്‍ നിന്നും സംരക്ഷിക്കാന്‍ നാരങ്ങ ഉത്തമമാണ്.
കൂടാതെ, ശരീരദുര്‍ഗന്ധം കുറയ്ക്കാന്‍ നാരങ്ങ സഹായിക്കും. ശരീരത്തിന്‍റെ ശുദ്ധിയും വൃത്തിയും ആഗ്രഹിക്കുന്ന നിരവധിയാളുകള്‍ കുളിക്കുന്ന വെള്ളത്തില്‍ നാരങ്ങനീര് ചേര്‍ക്കാറുണ്ട്.ഇപ്രകാരം നാരങ്ങ നീര് ചേര്‍ത്ത് കുളിച്ചാല്‍ നവോന്മേഷം ലഭിക്കും ...
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
