Lok Sabha Elections Phase 3: മൂന്നാം ഘട്ട വോട്ടെടുപ്പ് ഇന്ന്; 93 മണ്ഡലങ്ങൾ ഇന്ന് ജനവിധി തേടും; പോളിംഗ് ആരംഭിച്ചു

Lok Sabha Elections Phase 3: മൂന്നാംഘട്ടത്തിലെ ശ്രദ്ധാ കേന്ദ്രങ്ങള്‍ എന്നു പറയുന്നത് ഗുജറാത്ത്, കര്‍ണാടക, സംസ്ഥാനങ്ങളാണ്.

ന്യൂഡല്‍ഹി: ലോക്‌സഭാ തിരഞ്ഞെടുപ്പിന്റെ മൂന്നാം ഘട്ട വോട്ടെടുപ്പ് ആരംഭിച്ചു. പത്ത് സംസ്ഥാനങ്ങളിലെയും ഒരു കേന്ദ്ര ഭരണ പ്രദേശത്തെയും 93 സീറ്റുകളിലേക്കാണ് ഇന്ന് വിധിയെഴുത്ത് നടക്കുന്നത്. പോളിംഗ് രാവിലെ ഏഴ് മുതൽ ആരംഭിച്ചിട്ടുണ്ട്. 1300 ലേറെ സ്ഥാനാര്‍ത്ഥികളാണ് മത്സരംഗത്തുഉള്ളത്. 

Voting for the third phase of #LokSabhaElections2024 begins. Polling being held in 93 constituencies across 11 states and Union Territories (UTs) today.

17.24 crore voters are casting their votes today. pic.twitter.com/CpQ7gGurNG

— ANI (@ANI) May 7, 2024

മൂന്നാംഘട്ടത്തിലെ ശ്രദ്ധാ കേന്ദ്രങ്ങള്‍ എന്നു പറയുന്നത് ഗുജറാത്ത്, കര്‍ണാടക, സംസ്ഥാനങ്ങളാണ്. ഗുജറാത്തിലെ 25 സീറ്റുകള്‍, കര്‍ണാടകയില്‍ ബാക്കിയുള്ള 14 സീറ്റുകള്‍, മഹാരാഷ്ട്രയിലെ 11, ഉത്തര്‍പ്രദേശിലെ 10 സീറ്റുകളിലുമാണ് മൂന്നാം ഘട്ടത്തില്‍ വിധിയെഴുത്ത് നടക്കുന്നത്. കൂടാതെ അസം  4, ഛത്തീസ്ഗഡ് 7, ബിഹാര്‍ 5, മധ്യപ്രദേശ് 9, പശ്ചിമ ബംഗാള്‍ 4, ഗോവ, ദാദ്ര നാഗര്‍ ഹവേലി എന്നിവിടങ്ങളിൽ രണ്ട് വീതം സീറ്റുകളിലും ഇന്ന് വോട്ടെടുപ്പ് നടക്കും.

കേന്ദ്രമന്ത്രിമാരായ അമിത് ഷാ, ജ്യോതിരാദിത്യ സിന്ധ്യ, പ്രഹ്ളാദ് ജോഷി എന്നിവരെ കൂടാതെ മധ്യപ്രദേശ് മുന്‍ മുഖ്യമന്ത്രി ശിവരാജ് സിംഗ് ചൗഹാന്‍, എസ്പി നേതാവ് അഖിലേഷ് യാദവിന്റെ ഭാര്യ ഡിംപിള്‍ യാദവ്, സിപിഐഎം ബംഗാള്‍ സംസ്ഥാന സെക്രട്ടറി മുഹമ്മദ് സലീം തുടങ്ങിയവരാണ് മൂന്നാം ഘട്ടത്തില്‍ ജനവിധി തേടുന്ന പ്രമുഖര്‍. കഴിഞ്ഞ രണ്ട് ഘട്ടങ്ങളിലെ തിരഞ്ഞെടുപ്പിലും വോട്ടെടുപ്പുമായി ബന്ധപ്പെട്ട കണക്കുകള്‍ സമയബന്ധിതമായി തിരഞ്ഞെടുപ്പ് കമ്മീഷന്‍ പ്രസിദ്ധീകരിച്ചിരുന്നില്ല. അതുകൊണ്ടുതന്നെ മൂന്നാം ഘട്ടം മുതല്‍ എങ്കിലും തിരഞ്ഞെടുപ്പ് കമ്മീഷന്‍ ഇതിന് തയ്യാറാകണമെന്ന ആവശ്യം ശക്തമാണ്. മൂന്നാംഘട്ടത്തിലെ വോട്ടെടുപ്പ് പൂര്‍ത്തിയാകുന്നതോടെ ആകെയുള്ള 543 സീറ്റുകളില്‍ 283 സീറ്റുകളിലും തിരഞ്ഞെടുപ്പ് പൂര്‍ത്തിയാകും.