Bomb Threat: മുംബൈ-തിരുവനന്തപുരം വിമാനത്തിന് ബോംബ് ഭീഷണി; തിരുവനന്തപുരത്ത് അടിയന്തര ലാൻഡിംഗ് നടത്തി

Bomb Threat: സുരക്ഷിതമായി ലാൻഡ് ചെയ്ത വിമാനത്തിൽ നിന്നും യാത്രക്കാരെ ഒഴിപ്പിച്ചു തുടങ്ങി. വിമാനത്തിലെ യാത്രക്കാരെയും ലഗേജും പരിശോധിക്കും.

തിരുവനന്തപുരം: മുംബൈയിൽ നിന്ന് തിരുവനന്തപുരത്തേക്കുള്ള എയർ ഇന്ത്യ വിമാനത്തിന് ബോംബ് ഭീഷണി. എഐസി 657 എന്ന വിമാനത്തിനാണ് ബോംബ് ഭീഷണി ലഭിച്ചത്.

ഇതിനെ തുടർന്ന് വിമാനം തിരുവനന്തപുരം വിമാനത്താവളത്തിൽ അടിയന്തര ലാൻഡിംഗ് നടത്തി.  സുരക്ഷിതമായി ലാൻഡ് ചെയ്ത വിമാനത്തിൽ നിന്നും യാത്രക്കാരെ ഒഴിപ്പിച്ചു തുടങ്ങി.  വിമാനത്തിലെ യാത്രക്കാരെയും ലഗേജും പരിശോധിക്കും.  വിമാനത്താവളത്തിൽ സുരക്ഷാ ശക്തമാക്കിയിട്ടുണ്ട്. 

ബോംബ് ഭീഷണിയെ സംബന്ധിച്ച വിവരം പൈലറ്റിനാണ് ലഭിച്ചത്. പൈലറ്റ് തന്നെയാണ് എയർ ട്രാഫിക് കൺട്രോളറെ വിവരം അറിയിച്ചത്. തുടർന്ന് എമർജൻസി ലാാൻഡിങ്ങിന് അധികൃതർ നിർദേശം നൽകുകയായിരുന്നു. ഫോണിന്റെ ഉറവിടം സംബന്ധിച്ച് അന്വേഷണം നടത്തുമെന്നും ആശങ്കപ്പെടേണ്ട സാഹചര്യമില്ലെന്നും അധികൃതർ അറിയിച്ചിട്ടുണ്ട്.

നിലവിൽ നടത്തിയ പരിശോധനയിൽ സംശയാസ്പദമായ വസ്തുക്കളൊന്നും പരിശോധനയിൽ കണ്ടെത്താനായിട്ടില്ല. വ്യാജ ഭീഷണി സന്ദേശമാണിതെന്നും, വിശദമായ അന്വേഷണം നടത്തുമെന്നും പൊലീസ് അറിയിച്ചിട്ടുണ്ട്.