K K Shailaja: കെ.കെ ശൈലജക്കെതിരായ വ്യാജ പ്രചാരണം; മുസ്ലിം ലീഗ് നേതാവിനെതിരെ കേസെടുത്ത് പൊലീസ്

Lok Sabha Election 2024: നവമാധ്യമങ്ങൾ വഴി കെ കെ ശൈലജയുടെ ഫോട്ടോ മോർഫ് ചെയ്തും, വീഡിയോകൾ സംഭാഷണങ്ങൾ എഡിറ്റ് ചെയ്തും പ്രചരണം നടത്തുന്നു എന്നാണ് ഇയാൾക്കെതിരെ കേസെടുക്കാൻ ഉണ്ടായ സംഭവം.

തിരുവനന്തപുരം:  കെ കെ ശൈലജ ടീച്ചർക്കെതിരായ വ്യാജ പ്രചാരണത്തിൽ മുസ്ലിം ലീഗ് നേതാവിനെതിരെ കേസെടുത്ത് പോലീസ്. ന്യൂ മാഹി സ്വദേശി അസ്ലമിനെതിരെയാണ് പോലീസ് കേസ് എടുത്തിരിക്കുന്നത്. വാട്സ്ആപ്പ് ഗ്രൂപ്പിൽ കെ കെ ശൈലജയെ അപമാനിക്കുന്ന തരത്തിൽ വ്യാജ പ്രചരണം നടത്തിയെന്നാണ് കേസ്. നവമാധ്യമങ്ങൾ വഴി കെ കെ ശൈലജയുടെ ഫോട്ടോ മോർഫ് ചെയ്തും, വീഡിയോകൾ സംഭാഷണങ്ങൾ എഡിറ്റ് ചെയ്തും പ്രചരണം നടത്തുന്നു എന്നാണ് ഇയാൾക്കെതിരെ കേസെടുക്കാൻ ഉണ്ടായ സംഭവം. 

സംഭവവുമായി ബന്ധപ്പെട്ട് എതിർ സ്ഥാനാർത്ഥിയായ ഷാഫി പറമ്പിലിനെതിരെ കെ കെ ശൈലജ തെരഞ്ഞെടുപ്പ് കമ്മീഷന് പരാതി നൽകിയിരുന്നു. സൈബറിടത്തിൽ  തെറ്റായ പ്രചാരണം നടത്തുകയും വ്യക്തിഹത്യ നടത്തുകയും ചെയ്തതിനെതിരെ പോലീസിൽ പരാതി നൽകിയിട്ടും നടപടി സ്വീകരിച്ചില്ലെന്നും ശൈലജ ടീച്ചർ പരാതി നൽകിയിട്ടുണ്ട്. ജനങ്ങളുടെ അംഗീകാരം കണ്ട് വിറളി പൂണ്ട എതിർ സ്ഥാനാർഥി പരാതിക്കാരിയെ വളഞ്ഞ വഴിയിൽ ആക്രമിക്കുകയാണെന്നും ശൈലജ ടീച്ചർ ആരോപിച്ചു.