അഞ്ച് ദിവസത്തെ പരിശ്രമം; കണ്ണൂർ അടയ്ക്കാത്തോടിൽ ജനവാസ മേഖലയില്‍ ഇറങ്ങിയ കടുവയെ മയക്കുവെടിവെച്ച് പിടികൂടി

കണ്ണൂർ: കണ്ണൂർ കേളകം അടയ്ക്കാത്തോട് ജനവാസമേഖലയിൽ ഇറങ്ങിയ കടുവയെ മയക്കുവെടിവെച്ച് പിടികൂടി. വെറ്ററിനറി ഡോക്ടറുടെ നേതൃത്വത്തിലുള്ള സംഘമാണ് കടുവയെ മയക്കുവെടിവെച്ചത്.

ഏറെ നാളായി ജനവാസ മേഖലയിൽ തുടരുന്ന കടുവയെയാണ് പിടികൂടിയത്. എന്നാൽ, കടുവയെ എവിടേക്ക് കൊണ്ടുപോകുമെന്ന കാര്യത്തിൽ വ്യക്തതയില്ല. അടയ്ക്കാത്തോടിന് സമീപമുള്ള ആറളം വന്യജീവി സങ്കേതത്തിൽ തുറന്നുവിടരുതെന്നാണ് നാട്ടുകാരുടെ ആവശ്യം.

വ്യാഴാഴ്ച ഉച്ചയോടെ കടുവയെ മയക്കുവെടി വയ്ക്കാനുള്ള ശ്രമങ്ങൾ ആരംഭിച്ചെങ്കിലും ആദ്യ ശ്രമം പരാജയപ്പെട്ടു. കൃഷിയിടത്തിലേക്ക് ഓടിമറഞ്ഞ കടുവയെ അവിടെവച്ചാണ് മയക്കുവെടി വച്ച് പിടികൂടിയത്.