Actor Bala Married: നടൻ ബാല വീണ്ടും വിവാഹിതനായി; വധു ബന്ധുവായ കോകില

Actor Bala Married Again: നടൻ ബാല വീണ്ടും വിവാഹിതനായി. ബാലയുടെ അമ്മാവന്റെ മകളായ കോകിലായാണ് വധു.

കൊച്ചി: നടന്‍ ബാല വീണ്ടും വിവാഹിതനായി. വധു ബാലയുടെ അമ്മാവന്റെ മകളായ കോകിലയാണ്. താൻ വീണ്ടും വിവാഹിതനാകുമെന്ന് ബാല നേരത്തെ അറിയിച്ചിരുന്നു. 

രാവിലെ 8:30 ഓടെ കലൂരിലെ പാവക്കുളം മഹാദേവ ക്ഷേത്രത്തില്‍ വെച്ചായിരുന്നു വിവാഹം നടന്നത്. ചടങ്ങിൽ അടുത്ത ബന്ധുക്കലും സുഹൃത്തുക്കളും  മാത്രമാണ് പങ്കെടുത്തത്. ബാലയുടെ മൂന്നാമത്തെ വിവാഹമാണിത്. ഫെയ്സ്ബൂക്കിലൂടെ ഉടൻ വിവാഹം കഴിക്കും എന്ന സൂചന നൽകിയിരുന്നവെങ്കിലും ഇത്രയും പെട്ടെന്നാകുമെന്ന് ആരാധകർ കരുതിയില്ല.

കരൾ ട്രാൻസ്പ്ലാന്റേഷന് ശേഷം എനിക്കും ഒരു തുണ വേണമെന്ന് തോന്നിയെന്നും. എന്റെ സ്വന്തക്കാരി കൂടിയാകുമ്പോൾ കോൺഫിഡന്റ് ആണെന്നും. മുമ്പ് ബാല ഒരു ഇന്റർവ്യൂയിൽ പറഞ്ഞിരുന്നു, ഇപ്പോൾ നല്ല രീതിയിൽ ഭക്ഷണവും മരുന്നുമെല്ലാം കഴിക്കുന്നുവെന്നും. എന്റെ ആരോ​ഗ്യനിലമാറി. നല്ല നിലയിൽ മുൻപോട്ട് പോകാൻ സാധിക്കുന്നുവെന്നും ബാല പറഞ്ഞിരുന്നു. 

വിവാഹത്തിനെത്തിയ എല്ലാ മാധ്യമങ്ങള്‍ക്കും ബാല നന്ദി അറിയിച്ചു. വധുവിനെ പരിചയപ്പെടുത്തിയ ശേഷം നിങ്ങൾക്ക് മനസാൽ അനു​ഗ്രഹിക്കാൻ കഴിയുമെങ്കിൽ അനുഗ്രഹിക്കൂവെന്നും ബാല മാധ്യമങ്ങളോട് പറഞ്ഞു. ആദ്യ വിവാഹവുമായി ബന്ധപ്പെട്ട നിയമ നടപടികൾ ബാല പൂർത്തിയാക്കിയിരുന്നു. രണ്ടാം ഭാര്യയായ എലിസബത്തുമായുള്ള വിവാഹം നിയമപരമായി രജിസ്റ്റർ ചെയ്തിരുന്നില്ല. അതിനാൽ വിവാഹത്തിന് മറ്റ് നിയമപരമായ തടസങ്ങളില്ല.