Budhadev Das Guptha: ബംഗാളി ചലചിത്രകാരൻ ബുദ്ധദേവ് ദാസ് ഗുപ്ത അന്തരിച്ചു

കൊല്‍ക്കത്ത: പ്രമുഖ ബംഗാളി ചലചിത്രകാരനും ദേശിയ അവാർഡ് ജേതാവുമായ ബുദ്ധദേവ് ദാസ് ഗുപ്ത അന്തരിച്ചു. വാർധക്യ സഹജമായ അസുഖങ്ങളെ തുടർന്ന് ചികിത്സയിലായിരുന്നു. അദ്ദേഹത്തിന് 77 വയസ്സുണ്ട്.  1968-ൽ പുറത്തിറങ്ങിയ സമയേർ കാച്ചേ എന്ന ഹൃസ്വ ചിത്രത്തിലൂടെയാണ് അദ്ദേഹം ചലചിത്ര മേഖലയിലേക്ക് എത്തുന്നത്.

ഇന്ത്യന്‍ സിനിമ യിലെ മികച്ച സംവിധായകരിലൊരാളായ ബുദ്ധദേബിന് അഞ്ചു തവണ ദേശീയ പുരസ്‌കാരം ലഭിച്ചിട്ടുണ്ട്. വൃക്ക സംബന്ധമായ അസുഖത്തെ തുടർന്ന് അദ്ദേഹം ചികിത്സയിലായിരുന്നു. ഇന്ന് രാവിലെ 8 മണിക്കാണ് വീട്ടില്‍ വെച്ച്‌ അദ്ദേഹം അന്തരിച്ചത്.

കൽക്കട്ടയിലെ കോളേജ്കളിലൊന്നിൽ ഇക്കണോമിക്സ് വിഭാഗം പ്രൊഫസറായിട്ടായിരുന്നു അദ്ദേഹം തൻറെ കരിയർ ആരംഭിച്ചത്. പിന്നീട് പടി പടിയായി സിനിമയിലേക്ക് എത്തി.ഭാഗ് ബഹാദൂര്‍, ചരാചര്‍, ഉത്തര എന്നീ സിനിമകള്‍ ദേശിയ അവാർഡ് നേടി.

13-ൽ അധികം ഡോക്യുമെൻററികളും  20-ൽ അധികം സിനിമകളും അദ്ദേഹം സംവിധാനം ചെയ്തിരുന്നു. 2018-ൽ പുറത്തിറങ്ങിയ ഉരോഹാജ് ആണ് അവസാനത്തെ ചിത്രം.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy