റാണ ദഗുബാട്ടി, സായ് പല്ലവി എന്നിവർ കേന്ദ്ര കഥാപാത്രങ്ങളായി എത്തുന്ന ചിത്രം വിരാട പർവത്തിന്റെ ഡിജിറ്റൽ അവകാശങ്ങൾ നെറ്റ്ഫ്ലിക്സ് നേടിയതായി റിപ്പോർട്ട്. ചിത്രം തീയേറ്ററുകളിൽ പ്രദർശനം അവസാനിപ്പിച്ചതിന് ശേഷമായിരിക്കും ഒടിടിയിലെത്തുക. ചിത്രം ജൂൺ 17 ന് തീയേറ്ററുകളിൽ റിലീസ് ചെയ്തു. മികച്ച അഭിപ്രായമാണ് ചിത്രത്തിന് തീയേറ്ററുകളിൽ നിന്ന് ലഭിക്കുന്നത്.
ഒരു മാസത്തിന് ശേഷം ചിത്രം ഒടിടിയിൽ റിലീസ് ചെയ്യുമെന്നാണ് സൂചന. ചിത്രത്തിൽ വെന്നെല്ല എന്ന കഥാപാത്രമായാണ് സായ് പല്ലവി എത്തുന്നത്. പോലീസ് ഉദ്യോഗസ്ഥന്റെ വേഷത്തിലാണ് നടൻ റാണ ദഗുബാട്ടി ചിത്രത്തിൽ എത്തുന്നത്. പോലീസുകാരനെ പ്രണയിക്കുന്ന നക്സല്‍ ആണ് സായ് പല്ലവിയുടെ കഥാപാത്രം. വേണു ഉഡുഗുളയാണ് ചിത്രം സംവിധാനം ചെയ്യുന്നത്.
A lot of love and hardwork went into bringing #VirataParvam to you
Book your tickets now
https://t.co/2wQtJhAkA0@Sai_Pallavi92 @venuudugulafilm @dancinemaniac @DivakarManiDOP @SLVCinemasOffl @SureshProdns pic.twitter.com/cotY5XDDs7
— Rana Daggubati June 18, 2022
ALSO READ: Virata Parvam: റാണ ദഗുബാട്ടി - സായ് പല്ലവി ചിത്രം വിരാട പർവം റിലീസ് പ്രഖ്യാപിച്ചു
ചിത്രത്തിന്റെ തിരക്കഥ എഴുതിയതും വേണു ഉഡുഗുള തന്നെയാണ്. ഡി സുരേഷ് ബാബുവും സുധാകര്‍ ചെറുകുറിയും ചേര്‍ന്നാണ് ചിത്രത്തിന്റെ നിര്‍മ്മാണം. ശ്രീകര്‍ പ്രസാദ് ആണ് സിനിമയുടെ ചിത്രസംയോജനം നിര്‍വഹിക്കുന്നത്. നന്ദിത ദാസ്, പ്രിയാമണി, സറീന വഹാബ്, ഈശ്വരി റാവു, സായ് ചന്ദ്, നിവേദ, നവീൻ ചന്ദ്ര എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ.
സിനിമയുടെ ചില ഭാഗങ്ങള്‍ വികരബാദ് ഫോറസ്റ്റില്‍ ആണ് ചിത്രീകരിച്ചത്. ചിത്രത്തിന്റെ സംഗീത സംവിധാനം നിര്‍വഹിക്കുന്നത് സുരേഷ് ബൊബ്ബിലി ആണ്. ഡാനിയും ദിവാകര്‍ മണിയും ചേര്‍ന്നാണ് ഛായാഗ്രാഹണം നിർവഹിക്കുന്നത്. സായ് പല്ലവിയുടെ ഒരു വേറിട്ട കഥാപാത്രത്തിലെ ചിത്രത്തിലൂടെ കാണാൻ സാധിക്കും എന്നാണ് പ്രതീക്ഷ. താരത്തിന് ഏറെ പ്രതീക്ഷയുള്ള ചിത്രം കൂടിയാണ് വിരാട പര്‍വം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
