വാഴപ്പഴത്തിന്റെ തൊലി ചർമ്മ സംരക്ഷണത്തിനും മുടിയുടെ ആരോഗ്യത്തിനും മികച്ചതാണ്.
പൊട്ടാസ്യം, വിറ്റാമിൻ സി തുടങ്ങിയ വിറ്റാമിനുകളും ധാതുക്കളും പഴത്തൊലിയിൽ ധാരാളമുണ്ട്.
പഴത്തൊലി നേരിട്ട് ചർമ്മത്തിൽ മസാജ് ചെയ്യാവുന്നതാണ്. ഇത് ഈർപ്പം ലോലമാക്കാൻ സഹായിക്കും. പഴം തൊലി മുഖത്തും കഴുത്തിലുമായി പുരട്ടി മസാജ് ചെയ്ത ശേഷം കഴുകി കളയുക. ആഴ്ചയിൽ രണ്ടോ മൂന്നോ തവണ ഇത് ചെയ്യാം.
ഒരു സ്പൂൺ തൈര്, അൽപം തേൻ എന്നിവ പഴം തൊലിയുമായി യോജിപ്പിച്ച് മുഖത്തും കഴുത്തിലുമായി പുരട്ടുക. ഈർപ്പം നിലനിർത്താൻ മാത്രമല്ല, ചർമ്മത്തിൻ്റെ ഘടന മെച്ചപ്പെടുത്താനും ഈ പാക്ക് സഹായിക്കുന്നു.
തൈരിലെ ലാക്റ്റിക് ആസിഡ് മുഖത്തെ അഴുക്ക് നീക്കം ചെയ്യുകയും തേനിലെ ആന്റി ബാക്ടീരിയൽ ഗുണങ്ങൾ മുഖക്കുരു കുറയ്ക്കുകയും ചെയ്യുന്നു. 15-20 മിനുട്ട് നേരം ഈ പാക്ക് ഇട്ടേക്കുക.
പഴം തൊലി മിക്സിയിൽ അടിച്ചെടുക്കുക. ശേഷം ഇതിലേക്ക് ഒലിവ് ഓയിൽ ചേർക്കുക. ഈ പാക്ക് തലയിൽ പുരട്ടി മസാജ് ചെയ്യാം.
20-30 മിനിറ്റ് നേരം ഈ പാക്ക് ഇടാം. ശേഷം പതിവുപോലെ ഷാംപൂ ഉപയോഗിച്ച് കഴുകി കളയുക. പഴത്തൊലിയിലെ ഉയർന്ന പൊട്ടാസ്യം മുടിയെ ശക്തിപ്പെടുത്തുകയും പൊട്ടുന്നത് തടയുകയും ചെയ്യുന്നു.
10-15 മിനിറ്റ് വാഴപ്പഴത്തിന്റെ തൊലിയിട്ട് വെള്ളം തിളപ്പിക്കുക. വെള്ളം തണുത്ത ശേഷം തലയോട്ടിയിൽ മൃദുവായി മസാജ് ചെയ്യുക.
വാഴത്തോലിൽ നിന്നുള്ള വിറ്റാമിനുകളും ധാതുക്കളും മുടിയെ ശക്തിപ്പെടുത്തുകയും തലയോട്ടിയിൽ ജലാംശം നൽകുകയും ചെയ്യുന്നു. ഇത് മുടി വളർച്ചയെ പ്രോത്സാഹിപ്പിക്കുന്നു. (Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.)
