മെഗാ സ്റ്റാ‍ർ മമ്മൂട്ടിയുടെ മകൻ എന്ന പരിഗണനയില്ലാതെ തന്നെ മലയാളികളുടെ മനസിൽ ഇടംനേടിയ താരമാണ് ദുൽഖർ സൽമാൻ. സെക്കൻറ് ഷോ എന്ന ചിത്രത്തിലൂടെയാണ് സൽമാൻ വെള്ളിത്തിരയിൽ എത്തിയത്.
Dulquer Salmaan latest photos: സ്വാഭാവികമായ അഭിനയ മികവിലൂടെ സിനിമ മേഖലയിൽ സ്വന്തം ഇരിപ്പിടം ഒരുക്കാൻ ദുൽഖറിനായി. ഇന്ന് ഇന്ത്യയിലെ തന്നെ അറിയപ്പെടുന്ന പാൻ ഇന്ത്യൻ താരമാണ് ദുൽഖർ സൽമാൻ.
2010ൽ മുംബൈയിലെ ബേരി ജോണ്‍ ആക്ടിംഗ് സ്റ്റുഡിയോയില്‍ അഭിനയം പഠിക്കാന്‍ ദുൽഖർ ജോയിന്‍ ചെയ്തു.
2012ൽ പുറത്തിറങ്ങിയ അരങ്ങേറ്റ ചിത്രത്തിലെ ലാലു എന്ന കഥാപാത്രം ഹിറ്റായതോടെ ദുൽഖറിന് പിന്നെ തിരിഞ്ഞുനോക്കേണ്ടി വന്നിട്ടില്ല.
മലയാളം, തമിഴ്, തെലുങ്ക്, ഹിന്ദി ഭാഷകളിലായി ഒട്ടേറെ സിനിമകളിൽ ദുൽഖർ ഇതിനോടകം തന്നെ അഭിനയിച്ചു കഴിഞ്ഞു.
ഉസ്താദ് ഹോട്ടൽ, എബിസിഡി, നീലാകാശം പച്ചക്കടൽ ചുവന്ന ഭൂമി, ബാംഗ്ലൂര്‍ ഡെയ്സ്, വിക്രമാദിത്യൻ, ചാര്‍ളി, കലി, കമ്മട്ടിപ്പാടം, സിഐഎ തുടങ്ങിയ ചിത്രങ്ങളെല്ലാം ഹിറ്റായി.
ചാര്‍ളിയിലൂടെ മികച്ച നടനുള്ള കേരള സംസ്ഥാന ചലച്ചിത്ര പുരസ്കാരവും അദ്ദേഹത്തെ തേടിയെത്തി.
സിനിമ പോലെ തന്നെ വാഹനങ്ങളോടും ഏറെ പ്രിയമുള്ള താരമാണ് ദുൽഖർ.
ആരാധകർ ഡിക്യു, കുഞ്ഞിക്ക എന്നെല്ലാമാണ് ദുൽഖറിനെ സ്നേഹത്തോടെ വിശേഷിപ്പിക്കുന്നത്.
