ഐപിഎല്ലിൽ ഇന്ന് പഞ്ചാബ് കിങ്‌സ് ഡല്‍ഹി ക്യാപിറ്റല്‍സിനെ നേരിടും.
ധരംശാല ക്രിക്കറ്റ് സ്റ്റേഡിയത്തിൽ രാത്രി ഏഴരയ്ക്കാണ് മത്സരം.
12 മത്സരത്തില്‍ നിന്ന് 12 പോയിന്റുമായി പഞ്ചാബ് നിലവില്‍ എട്ടാം സ്ഥാനത്താണുള്ളത്. ശേഷിക്കുന്ന രണ്ട് മത്സരങ്ങള്‍ ജയിച്ചാല്‍ മാത്രമേ പഞ്ചാബിന് പ്ലേ ഓഫ് പ്രതീക്ഷകൾ പുലർത്താനാകൂ.
12 മത്സരത്തില്‍ നിന്ന് എട്ട് പോയിന്റുള്ള ഡല്‍ഹി ഐപിഎല്ലിൽ നിന്ന് പുറത്തായിരുന്നു. എന്നാൽ, പഞ്ചാബിന്റെ പ്ലേ ഓഫ് സാധ്യതകൾക്ക് വെല്ലുവിളി ഉയർത്താനാകും ഡൽഹിയുടെ ശ്രമം.
അവസാന മത്സരത്തില്‍ ഡൽഹിക്കെതിരെ പഞ്ചാബ് വിജയം നേടിയിരുന്നു. ഈ വിജയം പഞ്ചാബിന് ആത്മവിശ്വാസം നൽകും. എന്നാൽ, തോല്‍വിക്ക് പകരംവീട്ടാൻ ഉറച്ചാകും ഡൽഹി ഇറങ്ങുക.
കഴിഞ്ഞ മത്സരത്തിൽ ഡൽഹിയെ അവരുടെ മൈതാനത്ത് 31 റണ്‍സിനാണ് പഞ്ചാബ് തോൽപ്പിച്ചത്. ഈ തോൽവിക്ക് കണക്കുചോദിക്കാനാകും ഡൽഹി ഇറങ്ങുക.
ശിഖര്‍ ധവാനും സംഘവും ജയം ആവർത്തിക്കാൻ ഇറങ്ങുമ്പോൾ വഴി മുടക്കാന്‍ ഡേവിഡ് വാര്‍ണര്‍ക്കും കൂട്ടര്‍ക്കും കഴിയുമോയെന്നാണ് ആരാധകർ ഉറ്റുനോക്കുന്നത്.
