ജീവിതത്തിൽ വിജയം കൈവരിക്കണമെങ്കിൽ നാം ചെയ്യുന്ന കാര്യങ്ങളെല്ലാം നല്ല ഏകാഗരതയോടെ കൃത്യമായി ചെയ്യാൻ സാധിക്കണം.അതിനൊപ്പം തന്നെ മികച്ച ഓർമ്മശക്തിയും വളരെ പ്രധാനമാണ്.
ഇവ രണ്ടും പ്രധാനമായും ബന്ധപ്പെട്ടിരിക്കുന്നത് നമ്മുടെ ജീവിത രീതികളെയാണ്. അതായത് മികച്ച ഓർമ്മ ശക്തിക്കും ഏകാഗ്രതയ്ക്കുമായി ഇനി പറയുന്ന ചില മാറ്റങ്ങൾ നിങ്ങളുടെ ജീവിതത്തിൽ കൊണ്ടു വരേണ്ടത് വളരെ പ്രധാനമാണ്.
നടത്തം: ദിവസവും 10000 സ്റ്റെപ്സ് എങ്കിലും നടക്കേണ്ടത് വളരെ അത്യാവശ്യമാണ്. ഇത് നിങ്ങളുടെ ബുദ്ധിയേയും ഓർ‍മ്മശക്തിയേയും എപ്പോഴും യുവത്വത്തോടെ നിലനിർത്താൻ സഹായിക്കുന്നു.
പച്ച ഇലകൾ: പച്ച ഇലകളിൽ ധാരാളം ഇരുമ്പ് അടങ്ങിയിട്ടുണ്ട്. ഇത് മികച്ച ഓർമ്മശക്തിക്കും ബുദ്ധി വളർച്ചയ്ക്കും വളരെ നല്ലതാണ്. അതിനാൽ നിങ്ങളുടെ ഡയറ്റിൽ ചീര പോലുള്ള ഭക്ഷണങ്ങൾ ഉൾപ്പെടുത്തുക.
ബ്ലഡ് പ്രഷർ: ശരീരത്തിൽ പ്രഷർ കൂടുന്നതും കുറയുന്നതും ദോഷകരമാണ്. ഇവ ഹൃദയസംബന്ധമായ പല രോഗങ്ങൾക്കും കാരണമാകുന്നു. അതിനാൽ തന്നെ ശരീരത്തിൽ ബിപിയുടെ അളവ് കൃത്യമായ അളവിൽ നിലനിർത്തുന്നതാണ് നല്ലത്. ഇവ നമ്മുടെ മാനസികാവസ്ഥയെ ബാധിക്കുകയും ഓർമ്മശക്തി കുറയാൻ കാരണമാവുകയും ചെയ്യുന്നു.
ശരിയായ ഉറക്കം: നല്ല ഓർമ്മശക്തിക്കും ബുദ്ധി വളർച്ചയ്ക്കും ശരിയായ ഉറക്കം വളരെ പ്രധാനമാണ്. ദിവസവും ഒരു 7 മണിക്കൂറെങ്കിലും ഉറങ്ങാനായി ശ്രമിക്കണം.
സംസ്കരിച്ച ഭക്ഷണം: സംസ്കരിച്ച ഭക്ഷണങ്ങൾ കൂടുതൽ കഴിക്കുന്നത് അത്ര നല്ലതല്ല. ഇത് നിങ്ങളുടെ ഓർ‍മ്മശ്കതി കുറയ്ക്കുന്നതിന കാരണമാകും. അതിനാൽ ഇത് ഒഴിവാക്കുക.
ശ്രദ്ധിക്കുക: ഇവിടെ നൽകിയിരിക്കുന്ന വിവരങ്ങൾ പൊതുവായ അറിവുകളുടേയും പഠനങ്ങളേയും അടിസ്ഥാനപ്പെടുത്തിയിട്ടുള്ളതാണ്. സീ മലയാളം ഇത് സ്ഥിരീകരിക്കുന്നില്ല.
