ലില്ലെ: യൂറോകപ്പ് ഗ്രൂപ്പ് രണ്ടാം റൗണ്ടിലെ ആദ്യ മത്സരത്തിൽ റഷ്യക്കെതിരെ സ്ലൊവാക്യക്ക് 2-1െൻറ വിജയം. വ്ലാദ്മിർ വെയ്സിന്‍റെയുംമാറെക് ഹംസിക്കിെൻറയും കരുത്തിൽ സ്ലൊവാക്യ രണ്ട് ഗോളെടുത്തപ്പോൾ റഷ്യൻ പ്രത്യാക്രമണം ഒരു ഗോളിലൊതുങ്ങി. 32ാം മിനുട്ടിൽ സെൻറർ ബോക്സിന് പുറത്ത് നിന്നും മാറെക് ഹംസിക് നൽകിയ ബോളാണ് വ്ലാദ്മിർ വെയ്സ് ആദ്യ ഗോളാക്കിത്. 45ാം മിനുട്ടിൽ വെയ്സ് നൽകിയ പാസ് മാറെക് ഹംസിക് രണ്ടാം ഗോളാക്കുകയായിരുന്നു.
80ാം മിനുട്ടിൽ ഡെനിസ് ഗ്ലൂഷാക്കോവിലൂടെ റഷ്യ തിരിച്ചടിച്ചെങ്കിലും രണ്ടാമതൊരു ഗോൾ കൂടി നേടി സ്ലൊവാക്യയെ സമ്മർദത്തിലാക്കാനായില്ല. മത്സരത്തിലുടനീളം പന്ത് കൈവശം വെച്ചിരുന്നത് റഷ്യയായിരുന്നെങ്കിലും അത് ഗോളിൽ പ്രതിഫലിപ്പിക്കാൻ അവർക്കായില്ല. ഇന്നത്തെ തോൽവിയോടെ റഷ്യയുടെ നില പരുങ്ങലിലായിരിക്കുകയാണ്. ഗ്രൂപ്പ് ബിയിലെ ആദ്യ മത്സരത്തില്‍ റഷ്യ ഇംഗ്ലണ്ടിനോട്‌ സമനില നേടുകയും സ്ലോവാക്യ വെയ്ല്‍സിനോട് പരാജയപ്പെടുകയും ചെയ്തിരുന്നു.
അതേ സമയം ഗ്രൂപ്പ് എയില്‍ നടന്ന സ്വിറ്റ്സര്‍ലന്‍ഡ്- റുമേനിയ പോരാട്ടം സമനിലയില്‍ കലാശിച്ചു . 18ാം മിനിറ്റില്‍ ബോഗ്ദാന്‍ സ്റ്റാന്‍കു പെനാല്‍റ്റി കിക്കിലൂടെ റുമേനിയയെ മുന്നിലത്തെിച്ചു. 57ാം മിനിറ്റില്‍ കോര്‍ണര്‍ കിക്കില്‍ നിന്നുള്ള പന്ത് വലയിലത്തെിച്ച അഡ്മിര്‍ മെഹ്മദി സ്വിറ്റ്സര്‍ലന്‍ഡിന് സമനില നേടിക്കൊടുത്തു. രണ്ട് മത്സരങ്ങളില്‍ നിന്ന് നാലു പോയന്‍റുമായി സ്വിസ്പട പ്രീക്വാര്‍ട്ടര്‍ പ്രതീക്ഷകള്‍ വര്‍ണാഭമാക്കി.
