Pambar: കൊടും വേനലിലും ജലസമൃദ്ധം; നട്ടുച്ച നേരത്തും കുളിരേകി ഒഴുകുന്ന പാമ്പാര്‍

Pambar river Idukki: ഉത്ഭവ സ്ഥാനം മുതല്‍ അമരാവതി അണക്കെട്ടിലേക്ക് ചേരും വരെ ഇരുകരകളിലുമുള്ളവര്‍ക്ക് ആശ്വാസമേകിയാണ് പാമ്പാർ ഒഴുകുന്നത്.

ഇടുക്കി: ചുട്ടുപൊള്ളുന്ന വേനലിലും ജല സമൃദ്ധമാണ് പാമ്പാർ. ഉത്ഭവ സ്ഥാനം മുതല്‍ അമരാവതി അണക്കെട്ടിലേക്ക് ചേരും വരെ ഇരുകരകളിലുമുള്ളവര്‍ക്ക് നനവേകിയാണ് ഇത് ഒഴുകുന്നത്. തെളിഞ്ഞൊഴുകുന്ന പാമ്പാറിലെ വെള്ളത്തിന് നട്ടുച്ചനേരത്തും കുളിരുന്ന തണുപ്പാണ്.

മലനിരകൾ നിറഞ്ഞ തലയാർ എട്ടാം മൈലിൽ നിന്നാണ് പാമ്പാർ ഒഴുകിയിറങ്ങുന്നത്. കാപ്പിസ്റ്റോറും പള്ളനാടും ആനക്കാല്‍പ്പെട്ടിയും നാച്ചിവയലും കോവില്‍ക്കടവും മറയൂരും മേലാടിയുമൊക്കെ പിന്നിട്ട് ചിന്നാര്‍ വഴി പാമ്പാര്‍ അമരാവതി അണക്കെട്ടില്‍ ചേരുന്നു. ചുട്ടുപൊള്ളുന്ന ഈ വേനൽക്കാലത്തും പാമ്പാർ ജല സമൃദ്ധമാണ്.

നയന മനോഹര കാഴ്ച്ച നല്‍കുന്ന തൂവാനം വെള്ളച്ചാട്ടം പാമ്പാറിന്റെ സംഭാവനയാണ്. ഉത്ഭവ സ്ഥാനം മുതല്‍ അമരാവതി അണക്കെട്ടില്‍ ചേരും വരെ ഇരുകരകളിലുമുള്ളവര്‍ക്ക് നനവേകിയാണ് പാമ്പാര്‍ ഒഴുകുന്നത്. കൃഷിക്കായുള്ള ജലസേചനത്തിനുള്‍പ്പെടെ നിരവധിപേർ പാമ്പാറിനെ ആശ്രയിക്കുന്നുണ്ട്.

തെളിഞ്ഞൊഴുകുന്ന പാമ്പാറിലെ വെള്ളത്തിന് നട്ടുച്ചനേരത്തും കുളിരാണ്. കൊടും വേനലും ചൂടും ഹൈറേഞ്ചേിലെ ഒട്ടുമിക്ക പുഴകളുടെയും ഒഴുക്ക് കവര്‍ന്നപ്പോള്‍ വേനല്‍ വറുതിയെ വകവയ്ക്കാതെ ജലസമൃദ്ധമായങ്ങനെ ഒഴുകുകയാണ് പാമ്പാർ.