પેટ્રોલ પંપ પર મફત મળશે આ સુવિધાઓ, ખૂબ ઓછા લોકોને હોય છે જાણકારી

Petrol Pump Facilities: તમે પેટ્રોલ પંપ પાસેથી હજારો વખત પસાર થયા હશો, ઘણા લોકોએ પેટ્રોલ પંપ પર હજારો વખત તેમની બાઇક અથવા કારમાં પેટ્રોલ અને ડીઝલ ભર્યું હશે... પરંતુ આ પેટ્રોલ પંપ પર ઉપલબ્ધ આવશ્યક સુવિધાઓ વિશે બહુ ઓછા લોકો જાણે છે. દરેક પેટ્રોલ પંપ પર કેટલીક વસ્તુઓ એવી હોય છે જે ત્યાં રાખવી જરૂરી છે અને સામાન્ય લોકો તેનો મફતમાં ઉપયોગ કરી શકે છે. આજે અમે તમને જણાવવા જઈ રહ્યા છીએ કે પેટ્રોલ પંપ પર તમને કઈ કઈ સુવિધાઓ મફતમાં મળે છે.

મફત શૌચાલયની સુવિધા
જોકે પેટ્રોલ પંપ એવી જગ્યા છે જ્યાં દરરોજ હજારો લોકો આવે છે. એટલા માટે અહીં કેટલીક એવી સુવિધાઓ હોવી જરૂરી છે, જેનો લોકો વારંવાર ઉપયોગ કરે છે. આવી જ એક સુવિધા છે ટોયલેટ, પેટ્રોલ પંપ પર લેડીઝ અને જેન્ટ્સ ટોયલેટ હોવું જરૂરી છે. એટલે કે, જો તમે લાંબી મુસાફરી પર છો અને તમારે શૌચાલય જવું છે, તો તમે પેટ્રોલ પંપનું સ્થાન દાખલ કરી શકો છો. જો તમને કોઈપણ પેટ્રોલ પંપ પર આ સુવિધા ન મળે તો તમે તેની ફરિયાદ કરી શકો છો.

પીવાનું પાણી
શૌચાલય ઉપરાંત પેટ્રોલ પંપ પર પીવાના પાણીની સુવિધા હોવી પણ જરૂરી છે. તમે જોયું હશે કે દરેક પેટ્રોલ પંપ પર વોટર આરઓ લગાવવામાં આવ્યા છે. અહીંથી તમે તમારી પાણીની બોટલ રિફિલ કરી શકો છો અને પાણી પણ પી શકો છો. જો પાણીની સુવિધા ન હોય તો તમે પેટ્રોલ પંપ મેનેજર પાસે તેની માંગ કરી શકો છો.

ક્વોલિટી ચેક
તમને પેટ્રોલ પંપ પર પણ અધિકાર મળે છે કે તમને મળતા પેટ્રોલને ચેક કરાવી શકો છો. આમાં તમે ક્વોલિટીની સાથે ક્વોન્ટિટીની તપાસ પણ કરી શકો છો. આ સિવાય પેટ્રોલ પંપ પર બીજી ઘણી સુવિધાઓ છે જે જાળવવી પડે છે. રેતી ભરેલી ડોલ અથવા ફાયર સેફ્ટી સ્પ્રે સહિતના અગ્નિશામક ઉપકરણો.

પેટ્રોલ અને ડીઝલનું બિલ લેવાનો અધિકાર
પેટ્રોલ પંપ પર પેટ્રોલ કે ડીઝલ ભરાવ્યા બાદ તમને બિલ લેવાનો અધિકાર છે. જો કોઈ કારણ સર પેટ્રોલ પંપ માલિક કે તેના એજન્ટ તમને બિલ આપવાની મનાઈ કરે છે તો તમે તેની ફરિયાદ કરી શકો છો. 

મફત હવા ભરવાની સુવિધા
પેટ્રોલ પંપ પર મફત હવા ભરવાની જોગવાઈ પણ જરૂરી છે. દરેક પેટ્રોલ પંપ પર એર પંપ લગાવવામાં આવે છે, જ્યાં ટાયરમાં હવા ભરવાનું કામ કરવામાં આવે છે. પેટ્રોલ પંપ  માલિકે આ મશીન લગાવવું પડશે જેથી પેટ્રોલ કે ડીઝલ ભરાવવા આવતા લોકો ઇચ્છે તો વ્હીકલના ટાયરમાં હવા ભરાવી શકે છે. આ માટે પૈસા ચૂકવવા પડતા નથી. આ કામ માટે પંપ  માલિક વતી એક વ્યક્તિને પણ રાખવામાં આવે છે. તમે હવાને મફતમાં ભરી શકો છો અને પંપ તેના માટે પૈસા માંગી શકે નહીં. 

ઇમરજન્સી કોલની સુવિધા 
જો ક્યારેય તમારો મોબાઇલ ફોન ખરાબ થયો હોય અથવા અન્ય કારણોસર તમારી પાસે કોમ્યુનીકેશનના સાધન ન હોય અને તમારે ઇમરજન્સી કોલ કરવો હોય તો તમે પેટ્રોલ પંપમાંથી એક ફ્રી કોલ કરી શકો છો.

ફસ્ટ એડ બોક્સની સુવિધા 
દરેક પેટ્રોલ પંપ પર ફસ્ટ એડ બોક્સની સુવિધા એ અનિવાર્ય છે અને જરુર પડ્યે એનો ફ્રીમાં ઉપયોગ કરી શકાય છે. તો હવે ક્યારેય પણ આ પ્રકારની સુવિધાની જરુર પડે અને પેટ્રોલ પં૫ નજીક હોય તો ફ્રીમાં સુવિધા લેવાનું ચૂકશો નહિં...

ફરિયાદ પેટી અથવા રજિસ્ટર 
જો તમે પેટ્રોલ પંપ પર કોઈ સુવિધાથી અસંતુષ્ટ છો તો તમે પેટ્રોલ પંપ પર ફરિયાદ પેટી કે રજિસ્ટરમાં આ અંગેની ફરિયાદ કરી શકો છો.આ સિવાય કોઈપણ ગ્રાહક પોતાનો પ્રતિભાવ લખી શકે છે..પણ જરૂરી છે કે પેટ્રોલ પંપ પર ફરિયાદ પેટી હોવી જરૂરી છે.

ટીચર 16 વર્ષના વિદ્યાર્થી સાથે સ્કૂલમાં બાંધતી સંબંધો, બીજા છાત્ર પાસે ભરાવતી પહેરો
હે ભગવાન! 1.82 લાખ કરોડની કંપનીના માલિકે ઘર ગીરવે મૂકવું પડ્યું, 1 લાખ કરોડ ગુમાવ્યા

ફાયર સેફ્ટીના સાધનો 
દરેક પેટ્રોલ પંપ પર ફાયર સેફ્ટી ડિવાઈસ હોવા જરૂરી છે અને સાથે જ રેતી ભરેલી ડોલ હોવી જરૂરી છે... જેથી આગ લાગવાની પરિસ્થિતમાં સાઘનોના ઉપયોગથી આગ પર કાબૂ મેળવીને કોઈ મોટી દૂર્ધટના ટાળી શકાય છે.