'શાર્ક ટેન્ક ઈન્ડિયા'ના જજ અમન ગુપ્તાએ કયા અભિનેતાને કહ્યો સૌથી વધુ ઘમંડી? ઈકોનોમી ક્લાસમાં કરે છે મુસાફરી
Shark Tank India Judge Aman Gupta: શાર્ક ટેન્ક ઈન્ડિયાના જજે તાજેતરમાં બોલિવૂડના એક પ્રખ્યાત અભિનેતા અંગે ખુલાસો કર્યો છે. તેમણે કહ્યું કે, આ પ્રખ્યાત બોલિવૂડ એક્ટર લોકોની સામે માસ્ક પહેરીને નમ્ર હોવાનો ઢોંગ કરે છે.
Trending Photos
- 7
- 6
- 6
- 5
)
Shark Tank India Judge Aman Gupta: ઘણીવાર ફિલ્મ સ્ટાર્સ કોઈને કોઈ વસ્તુઓનું પ્રમોટ કરતા રહે છે. પરંતુ તાજેતરમાં જ 'શાર્ક ટેન્ક ઈન્ડિયા'ના જજ અમન ગુપ્તાએ એક અભિનેતાનું નામ લીધા વિના તેના વિરુદ્ધ નિવેદન આપ્યું હતું. તેમણે આ અભિનેતા પર નમ્ર હોવાનો ઢોંગ કરવાનો આરોપ લગાવ્યો એટલું જ નહીં તેમ પણ કહ્યું કે, લોકો જલ્દી જ આ અભિનેતાની વાસ્તવિકતા સમજી જશે.
ખૂબ જ ઘમંડી છે
'બોટ' કંપનીના કો-ફાઉન્ડર અને ચીફ માર્કેટિંગ ઓફિસર અમન ગુપ્તાએ આ વાતનો ખુલાસો કર્યો છે. અમન રિયાલિટી શો 'શાર્ક ટેન્ક ઈન્ડિયા'માં જજ રહી ચૂક્યો છે. તાજેતરમાં તે આ જ શોના સાથી-જજ અનુપમ મિત્તલના પોડકાસ્ટ પર આવ્યો હતો. તેની નવી સીઝન 6 જાન્યુઆરી 2025થી શરૂ થઈ રહી છે. તેથી આ શોમાં વાત કરતી વખતે અમન ગુપ્તાએ બોલિવૂડના પ્રખ્યાત અભિનેતાનો પર્દાફાશ કર્યો. તેમણે કહ્યું કે, 'એક અભિનેતાએ અમારી સાથે કામ કર્યું હતું. તેઓ અમારા બ્રાન્ડ એમ્બેસેડર રહ્યા છે. તે ખૂબ જ ઘમંડી વ્યક્તિ છે. મેં હંમેશા સમાચારોમાં તેમના વિશે માત્ર સારી વાતો જ સાંભળી અને વાંચી છે.'
જે બતાવે છે... કરે છે તેનાથી અલગ
વધુમાં અમન ગુપ્તાએ કહ્યું કે, 'લોકો તેમના વિશે સ્વીટ, નાઈસ અને કાઈન્ડ લખે છે. ત્યા સુધી કે પેપ્સ અને ફેન્સ તેના વર્તનની પ્રશંસા કરે છે. એવું પણ કહેવાય છે કે, તે ઈકોનોમી ક્લાસમાં મુસાફરી કરે છે. પરંતુ જ્યારે તેમણે અમારી સાથે કામ કર્યું ત્યારે તેનું વર્તન સાવ અલગ હતું. તેની સાથે કામ કર્યા પછી મને ખબર પડી કે લોકો નમ્રતાનો વેશ ધારણ કરવામાં માહેર બની ગયા છે.
નેટીઝન્સ લગાવી રહ્યા છે અનુમાન?
અમન ગુપ્તાના આ નિવેદન બાદ સોશિયલ મીડિયા પર હલચલ વધી ગઈ છે. Reddit યુઝર્સ પણ સતત સ્ટારના નામનું અનુમાન લગાવી રહ્યા છે. જે બાદ સોશિયલ મીડિયા પર બે નામની સૌથી વધુ ચર્ચા થઈ રહી છે, જેમાં કાર્તિક આર્યન અને દિલજીત દોસાંજનું નામ સૌથી વધુ આવી રહ્યું છે. આ બન્ને બોટના બ્રાન્ડ એમ્બેસેડર રહી ચૂક્યા છે. કાર્તિક આર્યન વર્ષ 2018માં બોટનો પ્રથમ બ્રાન્ડ એમ્બેસેડર બન્યો હતો. આ પછી વર્ષ 2020માં દિલજીત દોસાંઝ. જો કે, આ બે નામોમાંથી મોટાભાગના લોકો સોશિયલ મીડિયા પર કાર્તિક આર્યનનું નામ લઈ રહ્યા છે. આ સેલિબ્રિટી કોણ છે જેના વિશે અમન ગુપ્તા વાત કરી રહ્યો છે, કૃપા કરીને કોમેન્ટ કરીને તમારો અભિપ્રાય શેર કરો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
