હોરર ફિલ્મોના શોખીનો માટે ખુશખબર ! આવી રહેલી ફિલ્મ જેનું ટ્રેલર જોઈને થીજી જશે લોહી

મુંબઈ : ‘કોન્જુરિંગ’ અને ‘એનાબેલ’ જેવી હોરર સીરિઝ બનાવી ચૂકેલા ડિરેક્ટર અને પ્રોડ્યુસર જેમ્સ વાનની નવી ફિલ્મનું ટ્રેલર સામે આવ્યું છે. આ ફિલ્મ એક શેતાની શક્તિ પર આધારીત છે. જેની તાકાતનો કોઈ અંત નથી. ‘ધ કર્સ ઓફ વીપીંગ વુમન’ નામની આ ફિલ્મ હિંદીમાં શાપિત સ્ત્રી નામથી ભારતમાં રિલીઝ કરવામાં આવશે. આ હોરર ફિલ્મ ભારતમાં 19 એપ્રિલના રોજ રીલિઝ થશે.

આ ફિલ્મમાં સીન પેટ્રિક થોમસ, રોમન ક્રિસ્ટો, પેટ્રીસિયા વેલાસ્કેજ, મેરિસોલ રામિરેજ, રેમન્ડ ક્રૂઝ જેવા કલાકારો લીડ રોલમાં છે. આ ફિલ્મના ડિરેક્શનની જવાબદારી માઈકલ ચેવ્સે સંભાળી છે. જ્યારે ફિલ્મને જેમ્સ વાન, ગેરી ડબર્મન અને એમિલ ગ્લેડસ્ટોને પ્રોડ્યુસ કરી છે.

આ ફિલ્મમાં મેક્સિકન સમુદાયની સ્ટોરી હાઇલાઇટ કરવામાં આવી છે. આ ફિલ્મનું નામ શરુઆતમાં ‘ધ કર્સ ઓફ લા લૌરાના’ હતું. વોર્નર બ્રધર્સની આ ફિલ્મ અંગ્રેજી ઉપરાંત હિંદી, તામિલ અને તેલુગુ ભાષામાં રીલિઝ થશે.